سوئی ناردرن کا لاہور میں کریک ڈاون ،گیس کے غیرقانونی استعمال پر 31 اور کمپریسرکے استعمال پر 6 کنکشن منقطع

لاہور (اُردو پوائنٹ اخبارتازہ ترین - اے پی پی۔ 16 مئی2024ء) سوئی ناردرن گیس نے لاہور میں گیس کے غیر قانونی استعمال پر31 جبکہ کمپریسر کے استعمال پر 6گیس کنکشن منقطع کیے اور9لاکھ 30 ہزار کے جرمانے بھی عائد کیے،ملتان میں ریجنل ٹیم نے گیس کے غیر قانونی استعمال پر 07گیس کنکشن منقطع کیے،اسی طرح سے سوئی ناردرن گیس نے پشاور میں میٹر سے چھیڑ چھاڑ،گیس کے براہ راست استعمال، غیر قانونی کنکشن پر 25 گیس کنکشن منقطع کیے اور 3 لاکھ 90 ہزارکے جرمانے بھی عائد کیے گئے۔

(جاری ہے)

بہاولپور میں ٹیم نے گیس کے غیر قانونی استعمال پر 05 گیس کنکشن منقطع کیے اور 6 لاکھ 30ہزار کے جرمانے بھی عائد کیے۔مردان میں گیس کے غیر قانونی استعمال پر 04 گیس کنکشن منقطع کیے گئے اور 1 لاکھ 10ہزار کے جرمانے بھی عائد کیے گئے۔شیخو پورہ میں گیس کے غیر قانونی استعمال پر 08گیس کنکشن منقطع کیے گئے30ہزار کے جرمانے بھی عائد کیے گئے ۔مزید ایک ایف آئی آر بھی درج کی گئی،گجرات میں گیس کے غیر قانونی استعمال پر 1 گیس کنکشن منقطع کیا گیا،فیصل آباد میں گیس کے غیر قانونی استعمال پر 02 گیس کنکشن منقطع کیے گئے مزید 50ہزار کے جرمانے بھی عائد کیے گئے،ساہیوال میں گیس کے غیر قانونی استعمال پر 03گیس کنکشن منقطع کیے گئے۔