ں*پنجاب یونیورسٹی لائبریری بک کلب کے زیر اہتمام ’ مصنف سے ملاقات‘پر سیشن کا انعقاد

جمعہ 17 مئی 2024 20:15

'لاہور (اُردو پوائنٹ اخبارتازہ ترین - آن لائن۔ 17 مئی2024ء) پنجاب یونیورسٹی لائبریری بک کلب کے زیر اہتمام ’’مصنف سے ملاقات‘‘ پر خصوصی سیشن کا انعقاد کیا گیا جس میں دو نامور مصنفین ڈاکٹر محمد احسن رانا اور پروفیسر ڈاکٹر ناصر عباس نیئر نے اپنی خوبصورت تخلیقات پیش کیں۔

(جاری ہے)

لمز سوشل پالیسی کے ایسوسی ایٹ پروفیسر ڈاکٹر محمد احسن رانا نے اپنی کتاب ’ہیں کواکب کچھ ‘پر گفتگو کرتے ہوئے فلاحی سرمایہ داری اور پاکستان کی معیشت اور معاشرے پر اس کے اثرات پربات چیت کی۔

انسٹیٹیوٹ آف اردو لینگویج اینڈ لٹریچر کے پروفیسر ڈاکٹر ناصر عباس نیئر نے اپنی کتاب ’’نوآبادیات، جدیدیت اور اردو ادب‘‘ پیش کی۔ انہوں نے جدید اردو ادب کی رفتار کو تشکیل دینے میں نوآبادیاتی جدیدیت کے ناگزیر کردار پر زور دیا۔چیف لائبریرین پنجاب یونیورسٹی ڈاکٹر محمد ہارون عثمانی نے مصنفین کا شکریہ ادا کیا جنہوں نے اپنی مہارتوںکے اشتراک سے حاضرین کے تعلیمی تجربے کو تقویت بخشی۔