&معیاری خوراک کی فراہمی کا مشن، ڈی جی فوڈ اتھارٹی عاصم جاوید سے کریانہ ایسوسی ایشن کی ملاقات

8لاہور (اُردو پوائنٹ اخبارتازہ ترین - آن لائن۔ 17 مئی2024ء) معیاری خوراک کی فراہمی کے مشن کے تحت لڈی جی فوڈ اتھارٹی عاصم جاوید سے کریانہ ایسوسی ایشن کی ملاقات ہوئی۔ کریانہ سٹورز پر موجود گھی، آئل، مصالحہ جات وغیرہ کی مکمل ٹریسیبیلٹی یقینی بنانے پر اتفاق کیا گیا۔تفصیلات کے مطابق کریانہ ایسوسی ایشن کو درپیش تمام مسائل کا فوری حل کیا جائے گا۔

ڈی جی فوڈ اتھارٹی نے بتایا کریانہ سٹورز پر ایکسپائر اشیاء کے خاتمے کے لیے ایکسپائری سیکشن علیحدہ بنائیں۔ایکسپائر اشیاء پر تاریخ تنسیخ مٹا کر سستے داموں بیچنے والوں کے خلاف کارروائیاں کی جائیں گی۔ پنجاب فوڈ اتھارٹی سے غیر منظورشدہ اشیاء کی فروخت پر مکمل پابندی عائد ہے۔ عاصم جاوید نے کہا جعلی اشیاء خورونوش برآمد ہونے پر سخت قانونی کارروائی عمل میں لائی جائے گی۔

(جاری ہے)

کریانہ سٹورز کے سٹوریج ایریا میں چھپکلیاں اور دیگر حشرات موجود نہ ہوں، خاتمہ ہر صورت یقینی بنائیں۔ ملاوٹ شدہ اور حشرات زدہ خوراک بچوں اور بڑوں کی صحت کو تباہ کر رہی ہے۔ ڈی جی فوڈ اتھارٹی نے بتایا ملاوٹ کے خاتمے کے لیے فوڈ بزنس کے لیے فوڈ سیفٹی ٹریننگ لازم ہے، اس سال 5ہزار افراد کو ٹریننگ دی جائے گی۔ ٹریننگ میں پنجاب فوڈ اتھارٹی خوراک کے متعلق فوڈ بزنس آپریٹرز کو مکمل آگاہی دے گی۔

پنجاب فوڈ اتھارٹی عوام دوست اقدامات کر رہی ہے، معیاری کاروبار کرنے والوں کو سراہا جائے گا۔اس موقع پر صدر کریانہ ایسوسی ایشن نے کہا پنجاب فوڈ اتھارٹی کے قیام سے ملوٹ اور جعلسازی میں خاطر خواہ کمی آئی ہے۔معیاری خوراک کی فراہمی کے لیے پنجاب فوڈ اتھارٹی کے ساتھ ہیں، جعلسازی کا خاتمہ یقینی بنایا جائے گا۔ ملاوٹ کے خاتمے کے لیے کریانہ ایسوسی ایشن پنجاب فوڈ اتھارٹی کیساتھ شانہ بشانہ کھڑی ہے۔