بھارت میں کروڑوں مسلمان مشکلات کا شکارہیں،امریکہ

بھارت میں لاکھوں سکھ اور مسیحی بھی مسائل کا شکار ہیں،رکن مذہبی آزادی کمیشن

اتوار 19 مئی 2024 15:05

واشنگٹن(اُردو پوائنٹ اخبارتازہ ترین - این این آئی۔ 19 مئی2024ء) امریکا کے عالمی مذہبی آزادی کمیشن کے رکن ڈاکٹر آصف محمود نے عہدہ سنبھالتے ہی پہلا بیان بھارت میں انسانی حقوق کی صورتحال پر دیا ہے۔نجی ٹی وی سے انٹرویو میں ڈاکٹر آصف محمود نے کہا بھارت میں 200 ملین سے زیادہ مسلمان نازک صورتحال سے دوچار ہیں، بھارت میں لاکھوں سکھ اور مسیحی بھی مسائل کا شکار ہیں جبکہ 3 ملین روہنگیا کیمپوں میں رہنے پر مجبور ہیں، غزہ میں انسانی حقوق کے امور پربڑی خامیاں ہیں۔

(جاری ہے)

نیو میکسیکو سے تعلق رکھنے والے سینیٹر بین لوہان نے ڈاکٹرآصف محمود کو تقرری پر مبارکباد دی اور کہا کہ ہم مذہبی آزادی کے امور پر ڈاکٹر آصف محمود کے مشورے چاہتے ہیں، امید ہے ڈاکٹر آصف پوری دنیا میں انسانی حقوق کے معاملے پر آواز بلند کریں گے۔واضح رہے گزشتہ روز پاکستانی امریکن ڈاکٹر آصف محمود امریکا کے عالمی کمیشن برائے مذہبی آزادی کارکن مقرر کیا گیا، بحثیت سفارت کار وہ مختلف ممالک میں مذہبی آزادی کا جائزہ لیں گے اور امریکی حکومت کیلئے پالیسی سفارشات مرتب کریں گے۔

مری میں شائع ہونے والی مزید خبریں