ضلعی انتظامیہ پشاور کا سردار احمد جان کالونی میں تجاوزات کے خلاف گرینڈ آپریشن ، 30 سے زائد مکانوں کی غیر قانونی تعمیرات مسمار

تجاوزات کے خاتمے تک آپریشن جاری رہے گا۔ڈپٹی کمشنر پشاورمحمد علی اصغر

جمعرات 14 نومبر 2019 23:54

پشاور(اُردو پوائنٹ اخبارتازہ ترین - آن لائن۔ 14 نومبر2019ء) ضلعی انتظامیہ نے سردار احمد جان کالونی میں تجاوزات کے خلاف آپریشن کرتے ہوئے 30 سے زائدمکانوں کی نکاسی آب کے نالوں پر تعمیر کی گئی تجاوزات کا خاتمہ کر دیا۔ ڈپٹی کمشنر پشاورمحمد علی اصغر کی ہدایت پر اسسٹنٹ کمشنر سارہ رحمان نے آپریشن کی براہ راست نگرانی کی اور موقع پر موجود رہیں۔

آپریشن میں ڈبلیو ایس ایس پی کے زونل منیجر طارق عزیز سمیت مقامی پولیس ، ریسکیو 1122اوردیگر محکموں کے افسران نے شرکت کی۔

(جاری ہے)

اس موقع پر کسی بھی قسم کے نا خوشگوار واقع سے بچنے کے لیے پولیس کی بھاری نفری کو تعینات کیا گیا تھا۔ آپریشن کے دوران شاہی کٹھہ کی حدود سی30 سے زائد غیر قانونی تعمیرات کو بھاری مشینری کی مدد سے مسمار کر دیا گیا ۔واضح رہے کہ ان تجاوزات مافیا کو اپنی تجاوزات کے خاتمے کے لیے پہلے نوٹس دیے گئے تھے لیکن اس کے باوجود ان پر کوئی اثر نہیں ہو رہا تھا۔

جس پر ضلعی انتظامیہ نے کاروائی کر تے ہوئے تجاوزات کا خاتمہ کر دیا۔ ڈپٹی کمشنر پشاور کے مطابق پشاور میں صوبائی حکومت کے احکامات پر نکاسی آب کے نالوں پر تجاوزات کے خلاف آپریشن جاری ہے اور ہ تجاوزات کے خاتمے تک آپریشن جاری رہے گا اور تمام غیر قانونی تعمیرات کا خاتمہ کیا جائے گا۔