پی ایس بی محب اللہ خان سکواش کمپلیکس پشاور سکواش کے مستقبل کے چیمپئنز کی پرورش کر رہی ہے،شہزادمحب

پشاور (اُردو پوائنٹ اخبارتازہ ترین - آن لائن۔ 14 مئی2024ء) پی ایس بی کوچنگ سینٹر پشاور کے محب اللہ اسکواش کمپلیکس میں قائم اکیڈمی کھیل کی ترقی اور گراس روٹس لیول پر ٹیلنٹ کو نکھار نے اور سامنے لانے میں اہم رول اداکررہی ہے ،اور اللہ کے فضل سے کافی حد تک اپنی مقصد میں کامیاب ہوئے ہیں۔ پاکستان سپورٹس بورڈ کے کوچ شہزاد محب باصلاحیت کھلاڑیوں کو تیار کرنے اور خطے میں اسکواش کو بلند کرنے کے لئے اکیڈمی کے عزم پر زور دیتے ہیں۔

میڈیاسے گفتگوکرتے ہوئے شہزاد محب نے کہاکہ 2006 میں میں قائم ہونے والے پی ایس بی سکواش اکیڈمی میںاس وقت 50 سے 60 نوجوان پرجوشوں اندازمیں ٹریننگ لے رہے ہیں۔ یہ کھلاڑی تجربہ کار کوچز کی رہنمائی میں نہ صرف قومی سطح پر شاندار کارکردگی کا مظاہرہ کر رہے ہیں بلکہ بین الاقوامی سطح پر بھی اپنی شناخت بنا رہے ہیں جو خیبر پختونخوا اور پاکستان کا فخر ہے۔

(جاری ہے)

انکاکہناتھاکہ سابق عالمی سکواش چمپئن محب اللہ کی رہنمائی میں یہ اکیڈمی لڑکوں اور لڑکیوں دونوں کو یکساں مواقع فراہم کرتی ہے اور تربیت اور مقابلے کے لئے ایک جامع ماحول کو فروغ دیتی ہے۔اکیڈمی اس بات کو یقینی بناتی ہے کہ اس کے سٹوڈنٹس بہت سارے تجربے سے مستفید ہوں۔سکواش کے سابق عالمی چمپئن محب اللہ اور سابق سکواش کوچ پر ویزعلی کو بھی مدعوکرکے بچے انکے تجربات سے مستفید ہوتے ہیں،اسکے ساتھ ہی کوچ عادل خان جو نوجوان ٹیلنٹ کو پروان چڑھانے میں اپنی مہارت کے لئے مشہور ہیں،جوکھلاڑیوں کی صلاحیتوں کو نکھارنے میں اہم کردار ادا کرتے ہیں۔

شہزاد محب نے مزید کہاکہ ثابت قدمی کے ساتھ اس اکیڈمی نے اعلیٰ درجے کے کھلاڑی تیار کرنے کے اپنے ہدف کی طرف اہم پیش رفت کی ہے۔ شہزاد محب نے عالمی سطح پر پاکستانی اسکواش کے دوبارہ سر اٹھانے کے بارے میں اس امید کااظہار کیاکہ جونیئر ورلڈ چمپئن حمزہ خان اور قومی اسکواش چمپئن ابراہیم محب جیسی ذہین صلاحیتوں کے ساتھ، یحییٰ خان، ریان زمان، فواد خان، نورزمان، اور عبداللہ زمان جیسے ابھرتے ہوئے ستاروں کی مدد سے،پشاور میں اسکواش کا مستقبل روشن نظر آتا ہے۔

جیسا کہ اکیڈمی ٹیلنٹ کی پرورش اور نشوونما کے لئے اپنی انتھک کوششیں جاری رکھے ہوئے ہے،یہ اسکواش کی دنیا میں اپنے باوقار مقام کو دوبارہ حاصل کرنے کے لیے تیار ہے، جو اس کے کھلاڑیوں اور کوچز کے یکساں عزم کے باعث ہوا ہے۔