راولپنڈی ،منشیات فروش اور شراب سپلائر 10 ملزمان گرفتار

قبضہ سی5 کلو سے زائد چرس ، 85 لیٹر شراب اور آئس برآمد،مقدمات درج

منگل 14 مئی 2024 22:26

راولپنڈی(اُردو پوائنٹ اخبارتازہ ترین - این این آئی۔ 14 مئی2024ء) راولپنڈی نے منشیات فروشوں اور شراب سپلائرز کے خلاف کارروائی کرتے ہوئے 10 ملزمان کوگرفتارکرلیا،ملزمان کے قبضہ سی5 کلو سے زائد چرس ، 85 لیٹر شراب اور آئس برآمدکرکے مقدمات درج کرلئے گئے۔

(جاری ہے)

تفصیلات کے مطابق گوجر خان پولیس نے ملزم عابد سی1کلو 600 گرام چرس، سول لائنز پولیس نے ملزم حسنین سی1 کلو 400گرام چرس، جاتلی پولیس نے ملزم نوید اختر سی1کلو 100 گرام چرس،ملزم احمد حسن سے 15 لیٹر شراب، دھمیال پولیس نے ملزم وجاہت سے 600 گرام چرس،ملزم غلام عباس سے 20 لیٹر شراب، ٹیکسلا پولیس نے ملزم طاہر سے 550 گرام چرس وارث خان پولیس نے ملزم مالک بھٹی سے 150 گرام آئس، بنی پولیس نے ملزم سلمان سے 45 لیٹر شراب، سٹی پولیس نے ملزم آصف سے 10 بوتل شراب برآمد کر کے ملزمان کے خلاف الگ الگ مقدمات درج کر لئے۔

ڈویژنل ایس پیز نے کہا کہ گرفتار ملزمان کو ٹھوس شواہد کے ساتھ چالان کیا جائے گا ، منشیات کے ناسور کے خاتمہ کے کیلئے کریک ڈائون جاری ہے۔