ایس ایس پی سکھر نے چارج سنبھال لیا ، امن و امان کی صورتحال پر اہم اجلاس منعقد

سکھر (اُردو پوائنٹ اخبارتازہ ترین - اے پی پی۔ 19 مئی2024ء) نئے تعینات ایس ایس پی سکھر امجد شیخ نے چارج سنبھال لیا ، امن و امان کے حوالے سے اجلاس کی صدارت کی اور اپنی ترجیحات سے متعلق افسران و اسٹاف کو آگاہ کیا ۔ ترجمان سکھر پولیس کے مطابق ایس ایس پی سکھر امجد احمد شیخ نے اپنی ذمہ داریاں سنبھال لی ہیں ۔ ایس ایس پی امجد شیخ کی زیر صدارت امن و امان کی صورتحال سے متعلق اہم اجلاس منعقد ہوا ۔

اجلاس میں تمام ایس ڈی پی اوز ، ایس ایچ اوز نے شرکت کی، امن وامان کی مجموعی صورتحال اور پولیس کارکردگی کا جائزہ لیا گیا۔ اجلاس میں گفتگو کرتے ہوئے ایس ایس پی نے واضح کیا کہ جرائم کا خاتمہ اولین ترجیح ہے ، غفلت کوتاہی برداشت نہیں ہوگی ۔امن و امان کا قیام اور جرائم پیشہ افراد کے خلاف بھرپور ایکشن ترجیحات میں شامل ہے۔

(جاری ہے)

اس سلسلے میں جامع حکمت عملی بنائی گئی اور تمام افسران کو ضروری اور سختی سے ہدایات جاری کی گئیں۔

کچے کے علاقے، تمام مین ہائی ویز اور دیگر اہم علاقوں میں موثر پٹرولنگ ، چیکنگ، باقاعدگی سے ریڈز اور سرچ آپریشن کو یقینی بنایا جائے گا اور تمام جرائم پیشہ افراد، ایکٹو کریمینلز کے خلاف ٹارگٹڈ ایکشن کو معمول بنائیں۔ ایس ایس پی سکھر نے مزید ہدایات جاری کرتے ہوئے کہا کہ کسی واردات کی صورت میں متعلقہ ڈی ایس پی اور ایس ایچ او بذات خود جائے وقوعہ پر پہنچ کر مدعی سے تفصیلات لیں اور فوری قانونی کاروائی کریں، شہریوں کی چوری ، چھینی گئی چیزوں کو برآمدگی کو یقینی بنائیں ۔

تمام روپوش و اشتہاری ملزمان کو قانون کے کٹہرے میں لایا جائے۔ غیر قانونی اسلحہ، منشیات، اسمگلنگ کے خلاف بھرپور کریک ڈاؤن کیا جائے ۔تمام ایس ڈی پی اوز اور ایس ایچ اوز ہر قسم کا منظم جرائم منشیات/ گٹکا مین پڑی، جوا، آکڑا پرچی کے خاتمے کے لیے ان کے خلاف قانونی کاروائی کی جاۓ اگر کوئی پولیس افسر یا اہلکار جرائم میں ملوث پایا گیا تو اس کے خلاف بھی قانونی کارروائی کی جائیگی۔

ایس ایس پی سکھر کی جانب سے افسران کو ہدایات جاری کی گئیں کے تمام افسران گمشدگی/ اغوا، چوری، ڈکیتی اور مرڈر کیسز کو ترجیحی بنیادوں پر ڈیٹیکٹ/ٹریس آئوٹ کرنے کو یقینی بنائیں۔ علاقہ معززین، کاروباری شخصیات اور سول سوسائٹی کے ساتھ اچھے تعلقات قائم کر کے کمیونٹی پولیسنگ کو فروغ دیا جاۓ۔ تمام ڈی ایس پیز اور ایس ایچ او ہر روز کی بنیاد پر اپنے دفتر میں بیھٹیں اور تھانوں میں آنے والے شہریوں کے مسائل سنیں اور انہین انصاف فراہم کریں۔