Wakhri Type Ki Heroine
”وکھری ٹائپ کی ہیروئن“
ودیا بالن ہیں کہ میں نے روایتی ہیروئن کے تصور کو بدل دیا ہے میں ہیروئنوں جیسی نہیں تو کیا ہوا آج کی ہیروئن تو میرے جیسی ہے۔
جمعہ 22 دسمبر 2017
فلمی ناقدین کے مطابق بھارتی اداکارہ ودیا بالن نے روایتی ہیروئن کا تصور بدل ڈالا ہے وہ نہ تو شوخ اور چنچل ہیں اورنہ ہی ان کی شخصیت سے روایتی رومانس جھلکتا ہے تاہم وہ بے باک ہیں ا ور اپنے کرداروں کو نئی زندگی دینا جانتی ہیں ودیا منفرد اور غیر معمولی اداکارہ ہیں لیکن اپنی شہابت سے وہ کوئی منجھی ہوئی اداکارہ دکھائی نہیں دیتیں ڈرٹی پکچر کے سلک عشقیہ کی چالباز اور بیگم جان جیسی کرداروں نے بالی ووڈ میں ودیا کے روپ میں ایک ایسی ہیروئن کو متعارف کروایا ہے جس نے فن اداکاری میں نیا اسلوب دیا ودیا یکم جنوری 1979 کو ممبئی میں پیدا ہوئیں ممبئی یونیورسٹی سے سوشیالوجی میں ایم اے کیا لیکن اداکاری کا شوق انہیں ٹی وی سکرین تک لے آیا۔آغاز میں وہ بہت تگ دور کرنے کے بعد انہیں پروڈیوسر ایکتا کپور نے ٹی وی سیریل”ہم پانچ“میں کاسٹ کیا جس میں ودیا کی پرفارمنس کو سراہا گیا مگر ودیا بالی ووڈ پر راج کرنا چاہتی تھی اس لئے انہوں نے ٹی وی میں مزید کام کرنے سے معذرت کرلی اور بالی ووڈ میں کام کی تلاش میں مصروف ہوگئیں کہا جاتا ہے کہ 2001-4 تک اس جدوجہد کے دوران جب ودیا کو مسلسل ناکامیابیوں کا سامنا کرنا پڑا تو چارونا چار انہوں نے ملیا لم زبان کی بارہ فلمیں سائن کیں مگر بدقسمتی سے ان میں سے کوئی ایک فلم بھی پردہ سکرین کی زینت نہ بن سکی حتیٰ کہ ودیا کو منحوس اداکارہ سمجھا جانے لگا تاہم ودیا مضبوط اعصاب کی مالک تھی انہوں نے ہمت نہ ہاری اور تامل انڈسٹری کا رخ کرلیا قسمت نے یہاں بھی ودیا کو مایوس کیا لیکن یکے بعد دیگرے لاتعداد اشتہارات کی بدولت میں کم ازکم ٹی وی پر چھاگئیں پردہ سکرین تک پہنچنے والی ودیا کی پہلی فلم ”بھالو ٹھیکو“ بنگالی تھی جس پر انہیں بنگالی انڈسٹری سے سراہا بھی گیا تاہم ودیا کا بالی ووڈ میں شہرت کا دیرینہ خواب 2005 میں بننے والی فلم”پرینیتا“ کے ذریعے حقیقت بنا اس فلم میں ان کے مدمقابل اداکار سیف علی خان اوراپنی زبردست پرفارمنس کی بدولت بالآخر وہ بالی ووڈ میں مرکز نگاہ بن گئیں۔
(جاری ہے)
مشکلیں اتنی پڑی مجھ پہ کہ آساں ہوگئیں:
بقول ودیا میں نے سوچا نہ تھا کہ اداکار بنوں گی مگر مادھوری اور شبانہ اعظمیٰ کی فلمیں دیکھ دیکھ کر میرے اندر ہیروئن بننے کا شوق انگڑائیاں لینے لگا لیکن یہ سچ ہے کہ میں ایک طویل جدوجہد کے بعد بالی ووڈ کا حصہ بنی ہوں پے درپے ناکامیابیوں کے بعد ایک وقت ایسا بھی آیا تھا جب میں فلم انڈسٹری کو ترک کردینے کے بارے میں سوچنے لگی تھی فلم ”ہے بے بی“ اور ”قسمت کنکشن“ کے وقت میرے وزن اور میرے لباس کے حوالے سے مجھ پر نکتہ چینی بھی کئی گئی میں سوچ میں پڑھ گئی کہ کیا ہیروئن بننے کے لائق نہیں ہوں ؟مجھے محسوس ہونے لگا کہ کہیں ایسا تو نہیں کہ میں اس انڈسٹری کے قابل ہی نہیں ہوں تاہم میں نے جلد ہی محسوس کرلیا کہ مجھے مضبوط ہونا ہوگا اور اس ڈپریشن سے باہر نکلنا ہوگا اگر آج میں اس مقام پے ہوں تو اپنی ضد اور مستحکم طبیعت کی وجہ سے ہوں میں اتنی نکتہ چینیوں کے بعد بھی نہیں بدلی شاید اس لئے میں ودیا بالن ہوں میں نے روایتوں کو بدلا ہے میں ہیروئنوں جیسی نہیں تو کیا ہوا اب ہر ہیروئن میرے جیسی ہے مشکلیں اتنی پڑیں مجھ پہ کہ آساں ہوگئیں ودیا کے ساتھ بھی کچھ ایسا ہی ہوا۔میرے فلمی کیرئیر میں ایسی کئی فلمیں ہیں جنہیں دوسری اداکاراؤں نے”نو“کہہ دیا تھا میں درحقیقت منفرد کرداروں کی بھوکی ایکٹرس ہوں میں نے یہ کبھی نہیں سوچا کہ یہ کسی روایتی ہیروئن کا کردار نہیں بلکہ یہ ایک کریکٹر رول ہے۔
دس سال ہوگئے:
ودیا نے بالی ووڈ میں اپنے ایک دہائی کے سفر کو یاد کرتے ہوئے کہا اس سے بڑی بات ہوسکتی ہیں کہ مجھے انڈسٹری میں دس سال ہوگئے ہیں میں نے امید سے کہیں زیادہ پایا ۔دس سال اور 18 فلموں کے بعد کامیابی اور شہرت کی بھوک پہلے سے بہت بڑھ گئی ہیں اپنے پرانے وقت کو یاد کرتے ہوئے ودہا کا کہنا تھا آج میرا خاندان مجھ پر فخر کرتا ہے میں کسی فلمی خاندان سے نہیں ہوں اس لئے میرے خاندان کے لوگوں میں ایک قسم کا خوف تھا کہ لڑکی باہر جائے گی فلموں میں کام کریں گی تو وہاں جو بھیڑیں ہوتے ہیں وہ اسے چھوڑیں گے نہیں میرے خاندان والوں کے ذہن میں بالی ووڈ کے بارے میں اس قسم کے خیالات تھے میری ماں میرے ساتھ ٹی سیٹ سیریلز پر آیا کرتی تھی لیکن جب میری ماں کو یہ احساس ہوا کہ دنیا اور ماحول کیسا ہے بھی ہو اس سے فرق نہیں پڑتا بس خود پر اعتماد اور اپنے کام کے ساتھ لگن ہونی چاہیے توانہوں نے میری بھرپور حوصلہ افزائی کی ودیا بتاتی ہیں کہ وہ آج بھی اُس دن کو نہیں بھولیں جب عامر خان کی وجہ سے ان کی انا کو ٹھیس پہنچی تھیں ایک ایونٹ پر میڈیا والے میری تصاویر بنارہے تھے لیکن جیسے ہی عامر خان آئے تو سارا میڈیا مجھے دھکا دے کر عامر کی جانب چلا گیا اس سے میرے دل کو بہت دھچکا لگا عامر کی جگہ کوئی اور بھی ہوسکتا تھا لیکن میں یہ سمجھ گئی کہ جو آپ سے زیادہ کامیاب ہے لوگ اسی کے پیچھے دوڑتے ہیں۔
امیتابھ بچن کی ماں کا کردار:
ودیا فلم ”پا“کو اپنی زندگی کادلچسپ اور حیرت انگیز واقعہ کرار دیتی ہے اس فلم میں انہوں نے بالی ووڈ کے شہنشاہ امیتابھ بچن کی ماں کا کردار ادا کیا ودیا کہتی ہے یہ ایک غیر معمولی فلم تھی اس میں میرا کردار ناقابل فراموش تھا ودیا کو حال ہی میں اندراگاندھی کا کردار ادا کرنے کی بھی پیشکش ہوئی ہیں مگر انہوں نے ابھی تک حامی نہیں بھری ہے ودیا منفرد کردار نبھانے کے شوق میں ناکام بھی ہوجاتی ہیں شادی کے سائیڈ ایفیکٹ اور بوبی جاسوس کے فلاپ ہونے پر ان کا دل ہی ٹوٹ گیا تھا ان کا کہنا ہے میں ناکام فلموں کے غم کو اپنے اندر سے گھر والوں کے سامنے روروکر نکال دیتی ہوں تاکہ مجھے تکلیف نہ ہو اپنی فلم”ہماری ادھوری کہانی“ سے ودیا بہت خوش ہیں۔
سری دیوی کو پیچھے چھوڑدیا:
بالی ووڈ ادکارہ سری دیوی کا شمار منجھی ہوئی اداکاراؤں میں ہوتا ہے تاہم ناقدین کا کہنا ہے کہ انہیں ودیا بالن نے اپنی پرفارمنس سے پیچھے چھوڑدیا ہے ودیا جدید بالی ووڈ کی ورسٹائل اداکارہ ہیں انہوں نے اپنی نئی فلم ”تمہاری سلو“ میں سری دیوی کے 30 سال پرانے گانے ہوا ہوائی پر بہترین ڈانس کرکے سب کو حیران کردیا اسی کی دہائی کی سپرہٹ فلم ”مسز انڈیا“میں سری دیوی نے لاجواب پرفارمنس دی تھی مگر ودیا کی کارکردگی بھی کسی سے کم نہیں کویتا کرشنا مورتی کے ”ہواہوائی“ کے پرانے گانے میں اس بار تنشک باغچی نے اپنی آواز کا جادو جگایا ہے جبکہ گانے کو ودیا نیہا دھوپیا اور آر جے ملشکا پر فلمایا گیا ہے اس فلم میں ودیا کو ایک عام گھریلو خاتون سے کامیاب آر جے بنتے ہوئے دکھایا گیا ہے۔
Browse More Articles of Bollywood
درپن
Darpan
شہنشاہ قوالی استاد نصرت فتح علی خان
Shehensha Qawali Ustad Nusrat Fateh Ali Khan
ڈراونی فلمیں، لوگوں کی پسند،خوف اور ڈراونی فلمیں دیکھنے کے فوائد
Daraoni Filmain
پاکستانی فلم انڈسٹری یا پڑوسی ملک کی تقلید ؟
Pakistani Film Industry Ya Parosi Mulk Ki Takleed
سونم کپور بالی ووڈ کی فیشن گرو
Sonam Kapoor bollywood ki fashion guru
بالی وڈ بھی انتہا پسند مودی کی ہمنوا
Bollywood Bhi Inteha Pasand Modi KE Humnawa
شہنشاہ ظرافت منور ظریف قسط 2
shenshah zarafat Munawar zareef qist 2
منور ظریف کی فنی صلاحیتوں کے سب معترف ہیں
Munawar zareef ki fani salahiyaton ke sab mutarrif hain
بالی وُڈ فلمیں‘ہالی وُڈ اور لالی وُڈ کا چربہ
Bollywood filmain hollywood aur lollywood ka charba
بالی وُڈ فلمیں مُسلم ثقافت کی منفی ترجمان
Bollywood filme muslim Saqafat ki manfi tarjuman
بالی وُڈ فلمیں مُسلم ثقافت کی منفی ترجمان (قسط نمبر ۲)
bollywood filme muslim saqafat ki manfi tarjuman episode 2
نامور بالی وڈ اداکار بھی بکاؤ مال بن گئے
naamwar Bollywood adakar bhi bikao maal ban gaye
Famous Showbiz Stars
Nick Jonas
Sana Bucha
Sanya Malhotra
Mohsin Khan
Peter Facinelli
Cobie Smulders
Bryan Cranston
Anwar Maqsood
Milo Ventimiglia
Ryan Reynolds
rubi anam
Dwayne Johnson
Showbiz News In Urdu
-
ٹک ٹاک کوک اسٹوڈیو سیزن15 کے لیے آفیشل انٹرٹینمنٹ پارٹنر بن گیا
-
کامیڈی کنگ منورظریف کی48 ویں برسی29اپریل کو منائی جائے گی
-
پاکستانی فلم انڈسٹری کے معروف اداکار و فلمسازنعیم ہاشمی کی48ویں برسیآج منائی جائے گی
-
برصغیر کے نامور اردوڈرامہ نگارآغاحشر کاشمیری کی 89ویں برسی کل منائی جائے گی
-
الو ارجن نے اپنا معاوضہ 150 کروڑ کردیا، میڈیا پر قیا س آرائیاں
-
تمنا بھاٹیہ اور سنجے دت کو سائبر کرائم سیل نے طلب کر لیا
-
اداکارہ ایشا دیول کا اداکار فردین خان کی فلمی دنیا میں واپسی پر خوش آمدید
-
جنسی زیادتی کا جرم،ہالی ووڈ فلم پروڈیوسر ہاروی وائنسٹین کی سزا منسوخ