کیا 40 سال کے بعد زندگی ختم ہوجاتی ہی مشی خان کا عمر پر تنقید کرنے والوں کو کرارا جواب

لاہور(اُردو پوائنٹ اخبارتازہ ترین - آن لائن۔ 19 جون2025ء) اداکارہ مشی خان نے فنکاروں کی عمر کو بنیاد بنا کر کی جانے والی تنقید پر سخت ردعمل دیتے ہوئے سوال اٹھایا ہے کہ کیا 40 سال کے بعد زندگی ختم ہوجاتی ہی مشی خان نے انسٹاگرام پر شیئر کی گئی ایک ویڈیو میں فنکاروں کی عمر کو نشانہ بنانے پر سخت ردعمل دیا ہے۔مشی خان نے کہا کہ پاکستان میں 40 سال کے بعد اداکاری کرنا گویا جرم بنادیا گیا ہے، جب کہ ہمارے پڑوسی ملک بھارت میں فنکاروں کی عمر پر تنقید نہیں کی جاتی۔

انہوں نے کہا کہ بولی وڈ میں اب بھی کئی اداکارائیں خاصی عمر کے باوجود فلموں اور ٹی وی پروگرامز میں کام کر رہی ہیں، لیکن وہاں کوئی بھی ان کی عمر کو بنیاد بنا کر تنقید نہیں کرتا۔اداکارہ کے مطابق فلم لو گرو ایک اچھی فلم ہے اور اگر اس پر کسی پہلو سے تنقید کی جانی ہے تو وہ فلم کے معیار یا تکنیکی پہلو ہوں، نہ کہ ماہرہ خان اور ہمایوں سعید کی عمر۔

(جاری ہے)

مشی خان کا مزید کہنا تھا کہ پاکستان میں 40 سال کا ہونا جیسے گناہ بن گیا ہے، کیا 40 کے بعد زندگی ختم ہو جاتی ہی کیا 30 کے بعد مر جانا چاہیی جو لوگ دوسروں پر انگلیاں اٹھا رہے ہیں، وہ پہلے آئینے میں اپنا چہرہ دیکھیں۔اداکارہ نے فلم لو گرو پر تبصرہ کرتے ہوئے ایک ویڈیو بھی جاری کی، جس میں انہوں نے فلم کے معیار، کہانی، مقامات اور اداکاروں کی کارکردگی کو خوب سراہا۔

ان کا کہنا تھا کہ فلم کی عکس بندی عمدہ تھی، مناظر دلکش تھے اور مرکزی کرداروں کے ساتھ معاون اداکاروں نے بھی بہترین کام کیا، اس لیے یہ فلم ضرور دیکھنی چاہیے۔مشی خان نے یہ بھی کہا کہ سوشل میڈیا پر ہر کوئی بس تنقید میں لگا ہوا ہے، خدارا! اپنے اداکاروں کو سپورٹ کریں۔واضح رہے کہ فلم لو گرو میں ماہرہ خان اور ہمایوں سعید کی عمر کو لے کر سوشل میڈیا پر بعض حلقوں کی جانب سے تنقید کی جا رہی ہے۔