کراچی، شدید گرمی کی لہر، درجہ حرارت 40 ڈگری کو چھوگیا

کراچی(اُردو پوائنٹ اخبارتازہ ترین - آن لائن۔ 13 مئی2022ء) شہر قائد میں شدید گرمی کی لہر، درجہ حرارت 40 ڈگری کو چھوگیا ، محکمہ موسمیات نے آج ہفتہ کو بھی درجہ حرارت 40 ڈگری سینٹی گریڈ سے اوپر جانے کی پیش گوئی کردی۔تفصیلات کے مطابق ملک بھر میں سورج آگ برسانے لگا، کراچی میں ہیٹ ویو کی لہر میں درجہ حرارت چالیس ڈگری کو چھوگیا۔محکمہ موسمیات نے پیش گوئی کی ہے کراچی کل بھی جزوی ہیٹ ویو کی لپیٹ میں رہے گا۔

(جاری ہے)

سندھ و پنجاب کے کئی شہروں میں پارہ چالیس ڈگری سے تجاوز کرگیا ، جیکب آباد اوردادو میں درجہ حرارت 48 ڈگری، میرپورخاص، حیدرآباد ، اور سبی میں پارہ 47 جبکہ تربت اورسکھر میں درجہ حرارت 46 ڈگری تک جا پہنچا۔محکمہ موسمیات کا کہنا ہے کہ سندھ کے بیشتر علاقے آئندہ دنوں میں مسلسل ہیٹ ویو کی زد میں رہیں گے، شدید گرمی کی لہر اگلے دو روز تک برقرار رہے گی۔ہیٹ ویو سے کراچی کے شہریوں کا براحال ہے ، ایک جانب جہاں بدترین غیراعلانیہ لوڈشیڈنگ ہورہی ہے تو دوسری جانب بجلی نہ ہونے سے پانی کا بھی بحران پیدا ہوگیا ہے۔ماہرین شہریوں کو غیر ضروری طورپرگھرسے باہر نہ نکلنے کی ہدایت کی ہے۔