Ap Per Kaisa Hair Style Acha Lage Ga

آپ پرکیساہئیر سٹائل اچھا لگے گا؟

Ap Per Kaisa Hair Style Acha Lage Ga
گول چہرے کی خواتین
قدرت نے ہر عورت کو مختلف بنایا ہے اس لئے ہئیر سٹائل بھی مختلف اپنانا چاہیے۔ بعض خواتین کے چہرے گول ہوتے ہیں بعض کے بیضوی اور بعض کے لمبے۔ یہاں ہم آپ کو مختلف ساخت کے چہروں والی خواتین کے ہیئر سٹائل کے بارے میں بتاتے ہیں۔ مثال کے طور پر گول چہرے والی خواتین کو چاہیے کہ وہ جوہیئر سٹائل اپنائیں اس میں ان کا چہرہ کم گول نظر آئے اس کیلئے انہیں چاہئے کہ وہ کھو پڑی اور سرپر بال پھولے پھولے رکھیں اس کے علاوہ چہرہ کے اطراف میں اس انداز سے بال ڈالیں جس سے چہرے کی گولائی کم نظر آئے۔


لمبا چہرہ
لمبے چہرے کی خواتین چہرے کی لمبائی کم کرنے کیلئے ماتھے پر بالوں کو پھیلائیں اور پھولا ہوا اونچا سٹائل نہ بنائیں۔

(جاری ہے)

اسی طرح ان کا چہرہ مناسب لگے گا۔
چوکور چہرہ
چوکور چہرے کی مالک خواتین چہرے کی اطراف میں بالوں کو پھیلائیں تاکہ چہرے کی چوڑائی میں کمی نظر آئے۔
بیضوی یا کتابی چہرہ
اس پر ہر قسم کے بال اور ہر قسم کا میک اپ سج سکتا ہے۔

آپ میک اپ کر رہی ہوں یا ہیئر سٹائل بنا رہی ہوں اس کیلئے ضروری ہے کہ آپ پہلے اپنے چہرے کا جائزہ لیں اور دیکھیں کہ آپ کیلئے کون سا طریقہ کار مناسب رہے گا اس کیلئے آپ آئینے کے سامنے بیٹھ جائیں بالوں کو پیچھے کی طرف کھینچ کر پونی ٹیل باندھ لیں اور ایک چھوٹا شیشہ لے کر اپنے چہرے کو غور سے دیکھیں۔ آنکھیں، ناک، گال ہونٹ، ماتھا ہر ایک چیز کا بغور جائزہ لیں پھر دیکھیں کہ ان میں سے کس کو خوب سے خوب تر بنانے کی ضرورت ہے۔


اب مختلف ہیئر سٹائل بنانے کی بھی کوشش کیجئے اور دیکھئے کہ بیوٹی پارلر سے اگر آپ اس انداز سے بال سیٹ کرواتی ہیں تو آپ کی شکل و صورت پر کیا اثرات مرتب ہوں گے۔ محض تجربے کی خاطر مختلف بیوٹی پارلر کو آزمانے کی ضرورت نہیں اور نہ ہی بار بار ہیئر ڈریسر بدلنا چاہئے۔ اگر آپ کو کوئی بہتر ہیئر سٹائلسٹ مل گیا ہے تو اسی پر قناعت کریں اور اسی کی ہدایت پرعمل کرتے ہوئے اپنی مرضی اور اس کے مشورے سے بال سیٹ کرائیے۔

اس کے علاوہ ایک بات اور بھی یاد رکھئے۔ آپ جب بھی پارلر میں جائیں وہاں جاتے ہی بال ڈائی کرنے، پرم کرنے یا کٹنگ کرنے کی فرمائش نہ کر بیٹھیں بلکہ پہلے بال ڈائی یا سیٹ کرائیں۔ اس سے آپ کو یہ اندازہ ہو گا کہ کام کس نوعیت کا ہوتا ہے اس کے بعد آپ وقتاً وقتاً وہاں جاتی رہیں۔ اس طرح کی ہیئر سٹائلسٹ کو آپ کے بالوں اور آپ کی شخصیت کا مکمل ادراک ہو جائیگا۔ اس کے بعد جب آپ اپنے بال کٹوائیں تو وہ زیادہ بہتر طریقے سے آپ کے چہرے اور شخصیت کے لحاظ سے بال سیٹ کر سکے گی۔
تاریخ اشاعت: 2015-11-03

Your Thoughts and Comments

Special Women Beauty - Khoobsurti article for women, read "Ap Per Kaisa Hair Style Acha Lage Ga" and dozens of other articles for women in Urdu to change the way they live life. Read interesting tips & Suggestions in UrduPoint women section.