Khobsorti Ka Husool Qudrati Zaraye Se - Article No. 1330
خوبصورتی کا حصول قدرتی ذرائع سے - تحریر نمبر 1330
قدرتی اجزاء سے خوبصورتی کا حصول نہ صرف آسان بلکہ محفوظ ترین ہے۔ہر کوئی دلکش نظر آنا چاہتا ہے اور اس کے لیے ہزاروں روپے خرچ بھی کئے جاتے ہیں تاہم قدرتی اجزاء سے خوبصورتی کا حصول نہ صرف آسان بلکہ محفوظ ترین ہے
جمعہ 16 اکتوبر 2015
ایک لیموں کا چھلکا پیس کر اس میں ایک چائے کا چمچ گلیسرین اور ایک چمچ عرق گلاب ملا کر کریم تیار کرلیں۔ رات کو سونے سے پہلے پھٹی ہوئی ایڑیوں پر لگا کر صبح پیر دھولیں۔ پھٹی ہوئی ایڑیاں ٹھیک ہو جائیں گی۔
چکنی جلد کی صفائی کے لیے ایک لیموں کے رس میں ایک کھانے کا چمچ بیسن اور دو چائے کے چمچ عرق گلاب ملد کر ماسک بنالیں۔ اس ماسک کو چہرے پر لگا کر دس منٹ بعد دھو لیں۔
ایک لیموں کے رس میں ایک چائے کا چمچ شہد ملا کر ماسک بنالیں اور گرمی کے موسم میں دھوپ سے پڑ جانے والے نشانوں پر لگائیں۔ تھوڑے دنوں میں دھوپ سے جلنے کے نشان مٹ جائیں گے۔
(جاری ہے)
لیموں کے چھلکوں کو پیس کر اس میں بادام کا تیل یا پیٹرولیم جیلی ملا کر آنکھوں کے گرد لگائیں اور چند منٹ تک مساج کریں۔ اس کے بعد ململ کے کپڑے کو عرق گلاب میں بھگو کر اس سے صاف کرلیں۔ آنکھوں کے گرد پڑی ہوئی جھریاں ختم ہو جائیں گی۔
گرمیوں میں چہرے کی چکنائی ختم کرنے کے لیے تھوڑے سے بیسن میں لیموں کا رس ملا کر ماسک بنالیں اور میک اپ کرنے سے پندرہ منٹ پہلے لگا لیں۔ چہرے کو عرق گلاب سے دھو کر میک اپ کرلیں۔ اس طرح سے میک اپ زیادہ دیر تک قائم رہے گا۔
ناک سے سیاہ کِیلوں کی صفائی کے لیے کسی بھی کولڈ کریم سے مساج کریں اور پھر روئی سے صاف کرلیں۔ اب لیموں کے رس دار چھلکے کو ناک پر آہستہ آہستہ رگڑیں، کیلیں نرم پڑ جائیں گی، انہیں دبا کر نکال لیں۔
چہرے کا رنگ صاف کرنے کے لیے لیموں، کینو کا رس اور شہد ہم وزن ملا کر صبح و شام لگائیں۔
ثابت ہلدی کو چکنے پتھر پر پانی کے ساتھ رگڑیں اور دن میں تین بار داغوں پر لگائیں۔ اس عمل سے چہرے کے داغ بالکل غائب ہو جائیں گے۔
لیموں کے چھلکے پیس کر دودھ میں ملائیں اور رات کو چہرے پر لگا کر سوئیں۔ صبح اْٹھ کر چہرہ دھو لیں۔ اس سے چہرے کے داغ دھبے دور ہو جاتے ہیں۔
چہرے کو دھو کر دہی لگائیں اور بیس منٹ کے بعد چہرہ نیم گرم پانی سے دھولیں۔ یہ عمل چکنی اور دھبے دار جلد کے لیے بہترین ہے۔
جگمگاتا ہوا چہرہ پانے کے لیے پکے ہوئے پپیتے کا گودا چہرے پر لگائیں اور تھوڑی دیر کے بعد چہرہ دھو لیں۔
اگر آپ کی جلد چکنی ہے تو انڈے کی سفیدی میں شہد ملا کر لگائیں جب کہ خشک جلد والی خواتین دودھ کی بالائی میں شہد ملا کر لگائیں۔
Browse More Skin Care
کیل مہاسے اور سفید کیلوں سے نجات حاصل کریں
Keel Muhase Aur Safed Keel Se Nijat Hasil Karen
ایکنی
Acne
ٹین ایج میں جلد کی حفاظت
Teenage Mein Jild Ki Hifazat
گرمیوں میں جلد کی صفائی کا خاص خیال رکھیں
Garmiyon Mein Jild Ki Safai Ka Khas Khayal Rakhain
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
گہرے سیاہ حلقوں کو چھپانے کے طریقے
Gehre Siyah Halkon Ko Chupane Ke Tarike
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
موٹاپا‘ ایکنی اور بالوں کی خشکی
Motapa Acne Aur Balon Ki Khushki
دورانِ حمل جلد کی حفاظت کریں
Doran E Hamal Jild Ki Hifazat Karen
حاملہ خواتین اور جلد کی سیاہی
Hamla Khawateen Aur Jild Ki Siyahi
ٹماٹر لائے دلکشی اور کرے صحت بحال بھی
Tomato Laye Dilkashi Aur Kare Sehat Bahal Bhi