وہ غذائیں جو کرونا بھگائیں

احسان خدا وندی ہے کہ پاکستان ابھی تک کرونا کی ایسی صورتحال سے دوچار نہیں جو دنیا کے ترقی یافتہ ممالک کو درپیش ہے جہاں اس وائرس سے متاثر ہونے والوں کی تعداد ہے کہ بڑھتی چلی جارہی ہے جبکہ شرح اموات بھی کئی گنا زیادہ ہے۔

 ڈاکٹرز کے مطابق اس وبا کو شکست دینے کے لیے قوت مدافعت کا مضبوط ہونا انتہائی ضروری ہے اور وہی اسکے جان لیوا حملے سے محفوظ ہے جسکا مدافعتی نظام مضبوط ہے مدافعتی نظام وہ نظام ہے جس میں جسم کے بہت سے مختلف حصے ہم آہنگی کے ساتھ مل کر کام کرتے ہیں اسی لیے اس نظام کو مضبوط بنانا ہمارا لیے بے حد ضروری ہے۔

جیسا کہ پاکستان میں پہلے متاثرہ شخص یحییٰ جعفری نے بتایا کہ انہوں نے اس مرض کو اپنے مدافعتی نظام سے شکست دی تو آئیے جانتے ہیں کہ قوت مدافعت بڑھانے کے لیے کونسی عادات اور غذائیں مفید ہیں۔

(جاری ہے)

 سب سے پہلے اپنی رات کی نیند پوری کریں اور دماغ اور دل کو مطمئن رکھیے خود کو ذہنی دباؤ سے بچائیں صبح اٹھ کہ وارم باتھ لیں یعنی گرم پانی سے غسل کریں اسٹیم بھی لیں اور گھر میں ہی ہلکی پھلکی ورزش کریں۔

کھانے میں پروٹین سے بھرپور غذائیں استعمال کریں۔ سبز پتوں والی سبزی کا استعمال زیادہ کریں دالیں گوشت اور ابلے ہوئے انڈوں کا استعمال کریں اگر گوشت نہ خرید سکیں تو سرخ لوبیا کو ابال کر چاٹ میں استعمال کریں جبکہ اسٹرس والے پھل بھی نہایت مفید ہیں لیموں کا رس پانی میں ملا کر پینا اورنج جوس پینا اور کینو کھانا تو انتہائی ضروری ہے کینو وٹامن سی سے بھرپور ہوتا ہے جو جسم میں موجود وائٹ سیلز کو بڑھانے میں معاون ثابت ہوتا ہے۔

وائٹ سیلز انفیکشن کا مقابلہ کرتے ہیں اور قوت مدافعت کو طاقت بخشتے ہیں۔۔

اسٹرابیری، رس بیری، بلوبیری اور بلیک بیری میں وٹامن اے اور سی پایا جاتا ہے جو قوت مدافعت کے لیے انتہائی مفید ہے۔ آملے کا استعمال بھی کھانے میں ضرور کریں اسمیں اینٹی آکسیڈنٹ کی خصوصیات بھی موجود ہوتی ہیں جو ہماری قوت مدافعت کو بڑھانے میں مددگار ثابت ہوتی ہے۔ اسکے لیے آپ اسکو بطور اچار کھا سکتے ہیں۔اسکے علاوہ ادرک تلسی اور ہلدی بھی ایسی غذا ہیں جو مدافعت بڑھاتی ہیں جبکہ خشک میوہ جات کو تو روزمرہ کے غذا چارٹ میں ضرور شامل کریں۔۔۔۔یہ وہ انتہائی ضروری اور آسان حل ہیں جن پر عمل کر کے آپ اس مہلک وائرس سے بچ سکتے ہیں۔