Fish Kofta Recipe In Urdu

مچھلی کے کوفتے بنانے کی ترکیب

Urdu cooking recipe of Fish Kofta, learn easy method to make it, This recipe has all the ingredients of it, with easy step by step instructions and methods to make it and cook it. Fish Kofta is a Fish Kofta, and listed in the machli kofta. Other Urdu cooking recipes and video cooking recipes are also available online.
Fish Kofta Recipe In Urdu

اشیاء:
مچھلی آدھا کلو
گھی ایک پاؤ
بھنے ہوئے چنے(پیس کر) ایک ٹیبل اسپون
دہی آدھ پاؤ
خشخاش ایک ٹیبل اسپون
سفید زیرہ ایک ٹی اسپون
گرم مصالحہ (پسا ہوا) ایک ٹی اسپون
پیاز آدھ پاؤ
سوکھا دھنیا ایک ٹی اسپون
ادرک چوتھائی چھٹانک
لہسن آدھ پاؤ
نمک، مرچ، ہلدی حسب پسند
ترکیب:
مچھلی کو نمک لگا کر دو گھنٹے تک پڑ ا رہنے دیں۔ اس کے بعد آٹا مل کر اچھی طرح دھو لیں۔ ایک دیگچی میں ایک کلو پانی اور ایک پوتھی لہسن ڈال کر آنچ پر رکھ دیں۔ جب پانی ابلنے لگے تو مچھلی کے ٹکڑے ڈال دیں۔ ابال اچھی طرح آجائے تو دیگچی آنچ پر سے نیچے اتار کر پانی نچوڑ لیں اور مچھلی کے ٹکڑے نکال کر ان میں سے کانٹے چن لیں۔ اب ان ٹکڑوں کو سل پر باریک پیس لیں۔ آدھ لہسن، پیاز، گرم مصالحہ اور سارے چنے، سوکھا دھنیا اور سفید زیرہ پیس کر مچھلی میں ملا لیں۔ تھوڑا سا نمک اور مرچ بھی شامل کر لیں۔ ان سب چیزوں کو ایک مرتبہ پھر سل پر پیس لیں تاکہ مصالحہ اچھی طرح مل جائے۔ اس کے بعد گول گول کوفتے بنا لیں اور فرائی پین میں تھوڑا سا گھی ڈال کر ان کوفتوں کو تل لیں۔ بادامی ہونے پر اتار لیں اور الگ رکھ لیں ۔ایک دوسری دیگچی میں گھی ڈال کر گرم کر یں اور پیاز باریک کاٹ کر ڈال دیں۔ جب پیاز بادامی رنگ کا ہو جائے تو لہسن اور ادرک پیس کر ڈال دیں اور پھر اسے بھونیں۔ نمک، ہلدی اور سرخ مرچ بھی تھوڑی دیر بعد ڈال دیں۔ جب مصالحہ اچھی طرح بھن جائے تو دہی پھینٹ کر اس میں ڈال دیں۔ اور دوبارہ بھونیں۔ جب دہی کا پانی خشک ہو جائے اور گھی نکل آئے تو کوفتے ڈال دیں اور چمچ سے ان کو تھوڑی دیر بھونیں۔ ایک پیالی پانی ڈال کر ڈھکن بند کر دیا جائے۔ پانچ منٹ بعد پسا ہوا گرم مصالحہ ڈال کر دم پر لگائیں اور چند منٹ بعد اتار لیں۔ ان کو فتوں میں شوربہ زیادہ نہیں ہونا چاہیے۔ کوفتوں کیلئے کانٹوں والی مچھلی استعمال نہ کی جائے۔ بلکہ بغیر کانٹے کی مچھلی سے صحیح کوفتے بن سکتے ہیں۔

متعلقہ پکوان

(3141) ووٹ وصول ہوئے

More Recipes From Fish Kofta - مزید مچلی کے کوفتے

More Recipes - مزید تراکیب