Machli Ki Biryani Recipe In Urdu

مچھلی کی بریانی بنانے کی ترکیب

Machli Ki Biryani Recipe In Urdu

شاشیاء:
مچھلی آدھ کلو
چاول آدھ کلو
پسا ہوا گرم مصالحہ ایک ٹی اسپون
سوکھا دھنیا ایک ٹی اسپون
سفید زیرہ ایک ٹی اسپون
لہسن چار پوتھی بڑی
پیاز ایک پاؤ
گھی ایک پاؤ
نمک حسب پسند
ترکیب:
مچھلی کو دھو کر اچھی طرح صاف کر لیں( اگر رہو مچھلی ہو تو بہتر ہے)لہسن چھیل لیں۔ اس میں سارا گرم مصالحہ اور نمک ڈال کر پیس لیں۔ یہ لئی سی بن جائے گی۔ اب اس لئی کو مچھلی کے ٹکڑوں میں دونوں طرف اچھی طرح مل دیں اور تقریباً چار پانچ گھنٹے تک پڑا رہنے دیں۔ اگر ایک دن رکھیں تو زیادہ بہتر ہوگا۔ ایک برتن میں گھی کڑ کڑائیں اور مچھلی کے ٹکڑوں کو اس میں تل لیں۔ تلتے وقت آنچ دھیمی ہونی چاہئے۔ ورنہ مصالحہ سیاہ ہو جائے گا۔ اس کے بعد اسی گھی میں پیاز سرخ کر لیا جائے اور جب پیاز بادامی رنگت اختیار کر جائے تو مچھلی کے ٹکڑے مصالحہ سمیت اس میں ڈال دیں اور تھوڑی دیر تک بھونیں۔ جب مصالحہ سرخ ہو جائے تو تھوڑا سا پانی کا چھینٹا دے کر آنچ پر سے اتار لیں۔ اب ایک دوسری دیگچی میں چاول ڈال کر ابال لیں۔ جب چاول تین حصے پک جائیں تو نچوڑ کر پانی نکال دیں اور کھلے منہ کی پتیلی میں دوسری بریانی کی طرح اس میں بھی چاول اور مچھلی و مصالحے کی تہیں لگائیں۔ سب سے اوپر چاولوں کی تہہ ہونی چاہیے۔ منہ بندکر کے دم پر لگا دیں۔ د س پندرہ منٹ کے بعد اتار لیں۔ لذیذ بریانی تیار ہے۔

متعلقہ پکوان

(3607) ووٹ وصول ہوئے

More Recipes From Biryani And Pulao - مزید بریانی پلاؤ

More Recipes - مزید تراکیب

Urdu cooking recipe of Machli Ki Biryani, learn easy method to make it, This recipe has all the ingredients of it, with easy step by step instructions and methods to make it and cook it. Machli Ki Biryani is a Biryani And Pulao, and listed in the biryani aur pulao. Other Urdu cooking recipes and video cooking recipes are also available online.