نگران حکومت 16 نومبر کو حلف اٹھائے گی، غلام سرور خان ،انتخابی مہم کے دوران جلسے جلوسوں پر پابندی نہیں ہونی چاہئے، وفاقی وزیر برائے سمندر پار پاکستانیز کا نجی ٹی وی چینل کے پروگرام میں اظہار خیال
پیر 22 اکتوبر 2007 22:32
(جاری ہے)
انہوں نے کہا کہ شیخ رشید کا اپنا نقطہ نظر ہے میں سمجھتا ہوں کہ انتخابی مہم کے دوران جلسے جلوسوں پر پابندی نہیں ہونی چاہئے البتہ ریلی پر پابندی ضروری ہے اور سیاسی لیڈروں کو سیکیورٹی کلیئرنس کے بعد جلسہ عام میں جانا چاہئے۔
انہوں نے کہا کہ خود کش حملوں کی جتنی بھی مذمت کی جائے کم ہے جو کچھ ہو رہا ہے برا ہو رہا ہے جبکہ اس دوران پاکستان پیپلز پارٹی کے رہنما بابر اعوان نے کہا کہ نگران حکومت میں ان افراد کو شامل کیا جائے جس پر تمام سیاسی جماعتوں کو اتفاق ہو۔ بلدیاتی اداروں کو توڑنا اس لئے ضروری ہے کہ اٹک، جہلم، گجرات اور راولپنڈی کے ناظمین کے قریبی رشتہ دار اسمبلیوں میں بھی موجود ہیں۔ ان حالات میں شفاف الیکشن نہیں ہو سکتے کیونکہ ان کے ماتحت تمام انتظامیہ ہے اور وہ سرکاری وسائل استعمال کریں گے۔ انہوں نے الزام عائد کیا کہ بینظیر بھٹو کے کراچی قافلے کے دوران سٹریٹ لائٹس بند تھیں۔ ہمارے کارکنوں نے جن آدمیوں کو پکڑ کر پولیس کے ڈی آئی جی کے حوالے کیا ان کیخلاف کیا کارروائی ہوئی کچھ معلوم نہیں ہے۔ انہوں نے کہا کہ حکمران جماعت کے لیڈر کس بنیاد پر اے پی سی بلا رہے ہیں جب ایک جماعت کے لیڈر نواز شریف کو دو دفعہ جلا وطن کیا گیا تو یہ جماعت خاموش رہی میں سمجھتا ہوں کہ شفاف الیکشن کیلئے ماحول بہتر بنانا ہو گا اور ساری جماعتوں کو اعتماد میں لئے بغیر منصفانہ اور غیر جانبدارانہ الیکشن نہیں ہو سکتے جبکہ وزارت داخلہ سندھ کے مشیر وسیم اختر نے کہا کہ بینظیر بھٹو پر ہونے والے خود کش حملہ کی تحقیقات جاری ہیں اور صحیح سمت کیطرف جا رہی ہیں اور جو لوگ سٹریٹ لائٹس بند ہونے کا الزام لگاتے ہیں وہ نجی ٹی وی چینل کی فٹیج نکال کر دیکھیں۔ انہوں نے کہا کہ اگر خدانخواستہ دہشت گرد اپنے مقصد میں کامیاب ہو جاتا تو مزید حالات خراب ہو جاتے اسلئے میں کہتا ہوں کہ ساری جماعتوں کو مل بیٹھ کر لائحہ عمل مرتب کرنا ہو گا اور جو 10 نکاتی فارمولا آیا ہے اس پر عمل کرنا ہو گا ورنہ الیکشن مہم خراب ہو گی خود کش حملوں کو روکنا آسان کام نہیں۔ انہوں نے کہا کہ ہم حکومت کا حصہ ہیں، نگران حکومت میں ہمیں اعتماد میں لیا جائیگا جب نگران حکومت بنے گی تو سامنے آجائیگی میں بھی اتفاق کرتا ہوں کہ سیاسی لوگوں کو نگران حکومت میں نہیں ہونا چاہئے جبکہ جماعت اسلامی کے مرکزی رہنما فرید پراچہ نے کہا کہ ایکٹ نمبر118 اگست کو کراچی میں چلایا گیا اور اب ایکٹ نمبر 2 کے ذریعے سیاسی پارٹیوں کے جلسے جلوسوں پر پابندی لگائی جا رہی ہے ایک سوچے سمجھے منصوبے کے تحت ملک کو تباہی کی طرف دھکیلا جا رہا ہے ہم کس طرح ان لوگوں کے ساتھ اے پی سی میں بیٹھ سکتے ہیں جن کو وجود آئینی طور پر متنازعہ ہے۔ انہوں نے کہا کہ ابھی تک 12 مئی کے مجرم نہیں پکڑے گئے کیا کراچی میں مارے جانے ولاے لوگ چڑیاں تھیں، ہم بھی لسانی گروہ کی طرف سے دہشت گردی کی مذمت کرتے ہیں اسلام میں خود کش حملوں کی کوئی گنجائش نہیں ہے۔ انہوں نے کہا کہ الیکشن آنے سے قبل پابندیاں لگائی جا رہی ہیں۔ بندربانٹ مذاکرات ہو رہے ہیں یہ الیکشن کرانے والا ریفری جنرل پرویز مشرف ایک جماعت کیلئے ووٹ مانگ رہا ہے، ایسے حالات میں اس کی موجودگی میں الیکشن شفاف نہیں ہو سکتے۔ انہوں نے کہا کہ متوقع الیکشن میں اس لئے پابندیاں لگائی جا رہی ہیں کہ عوام ان کی امریکہ نوازی، مہنگائی اور بے روزگاری سے تنگ ہیں اور اس جماعت مسلم لیگ (ق) کو ووٹ دینے کو تیار نہیں ہیں۔ ان حکمرانوں نے عوام پر لاٹھیاں برسائیں اور لوگوں کو جیلوں میں ڈالا حکمران اپنی 8 سالہ ناکامی کو مانیں۔متعلقہ عنوان :
مزید اہم خبریں
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.