رواں سال گندم کی کاشت میں گزشتہ سال کے مقابلے میں 2.70 فیصد اضافہ دیکھا گیا

بدھ 1 جنوری 2014 13:18

اسلام آباد (اُردو پوائنٹ تازہ ترین اخبار۔ یکم جنوری 2014ء) رواں سال گندم کی کاشت میں گزشتہ سال کے مقابلے میں 2.70 فیصد اضافہ دیکھا گیا وزارت نیشنل فوڈ سیکورٹی و ریسرچ کے ڈپٹی فوڈ سیکورٹی کمشنر کے ذرائع کے مطابق رواں سال کے دوران 89 لاکھ 43 ہزار ہیکٹر رقبے پر گندم کی کاشت کا ہدف مقرر کیا گیا ہے جبکہ 85 لاکھ 37 ہزار ہیکٹر رقبے پر گندم کاشت کی گئی ہے بیج، کھاد اور دیگر سہولیات کی دستیابی کی وجہ سے گندم کی کاشت کے حوالے سے اعداد و شمار اطمینان بخش ہیں وزارت کے مطابق حکومت نے گندم کی پیداوار کا ہدف دو کروڑ 50 لاکھ ٹن مقرر کیا ہے۔

(جاری ہے)