وزیر اعلیٰ سندھ نے زرعی ٹیکس سسٹم میں ناہمواریوں اور امتیازی طریقہ کار کی درستگی کی خاطر قوانین میں ترامیم کیلئے کمیٹی تشکیل دیدی ، سکندر مینددھرو کی سربراہی میں کمیٹی کاشتکاروں کی نمائندہ تنظیموں اور اسٹیک ہولڈرز سے مشاورت کے بعد قوانین میں ترامیم کا مسودہ سندھ اسمبلی میں پیش کریگی،اجلاس سے خطاب
پیر 26 مئی 2014 19:31
کراچی (اُردو پوائنٹ اخبار تازہ ترین۔26مئی۔2014ء) وزیراعلیٰ سندھ سید قائم علی شاہ نے سندھ صوبے میں زرعی ٹیکس سسٹم میں ناہمواریوں اور امتیازی طریقہ کار کی درستگی کی خاطر قوانین میں ترامیم کرنے کیلئے ڈاکٹرسکندر میندھرو کی سربراہی میں ایک کمیٹی تشکیل دے دی ہے اور کمیٹی کو ہدایات کی ہے کہ وہ کاشتکاروں کی نمائندہ تنظیموں اور دیگر اسٹیک ہولڈرز سے مشاورت کے بعد قوانین میں ترامیم تجویز کرکے مسودہ سندھ اسمبلی میں پیش کریں۔
وزیراعلیٰ سندھ نے زراعت پر آمدن ٹیکس نہ لینے والے تاثر کو رد کرتے ہوئے کہا کہ زرعی شعبے پر زرعی ٹیکس سمیت بہت سارے ٹیکس پہلے ہی لاگو ہیں اور لئے بھی جا رہے ہیں لیکن ان کی میڈیا میں تشحیرنہیں ہوتی۔ان خیالات کااظہارانہوں نے پیرکووزیراعلیٰ ہاؤس میں زراعت پر آمدن ٹیکس کے حوالے سے منعقدہ اجلاس سے خطاب کرتے ہوئے کیا۔(جاری ہے)
وزیراعلیٰ سندھ نے کہا کہ زرعی شعبے پر سندھ لینڈ ٹیکس،زرعی آمدن ٹیکس،واٹر ٹیکس، ڈرینیج ٹیکس،لوکل سیز ٹیکس اور زرعی ان پٹ کی مد میں دوسرے بلاواسطہ ٹیکس لاگو ہیں لیکن ناتو انکو میڈیا میں تشحیر کی جاتی ہے اور نہ ہی ان میں ناہمواریوں کی اصلاح کی جاتی ہے یا صحیح طریقے سے وصول کیا جاتا ہے،اس کے علاوہ روینیو افسران نے بھی اس ضمن میں اپنا کردار نہیں نبھایا۔
وزیراعلیٰ سندھ سید قائم علی شاہ نے ڈاکٹر سکندر میندھرو کو ہدایات دیں کہ وہ موجودہ قوانین میں امتیازی تفریق کی نشاندہی کرکے انہیں ختم کرنے کیلئے انصاف پر مبنی ایسا ترامیم کا ڈرافٹ تیار کریں جس کے تحت آبادگاروں کو بھی ٹیکس کی سلیب(چھوٹ والی آمدن کی اوپری حد)رعایات اور دوسری سہولیات کوصنعتکاروں کودی گئی رعایات تحت یقینی بنایاجائے۔انہوں نے کہا کہ زراعت انتہائی اہم شعبہ ہے ،کیونکہ سندھ ایک زرعی صوبہ ہے اور اس کی اقتصادیات اور80فیصد عوام کا دارومدار زراعت پر ہے،انہوں نے کہا کہ سندھ حکومت کاشتکاروں کی حوصلہ افزائی کیلئے زرعی شعبے میں زیادہ سے زیادہ سہولیات جدید کاشتکاری کے طریقیکارسمیت زرعی اصلاحات لانے میں دلچسپی رکھتی ہے۔وزیراعلیٰ سندھ نے ڈاکٹر سکندر میندھرو کو ہدایات دی کہ وہ زرعی قوانین میں منصفانہ ترامیم کیلئے سندھ ایوان زراعت ،سندھ آبادگاربورڈ،روینیو اور فنانس کے ماہریں اور اس شعبے سے وابستہ دوسرے اسٹیک ہولڈرز سے مشورہ کرکے تجاویزپیش کریں۔انہوں نے چیف سیکریٹری سندھ اور روینیو اتھارٹیز کو ہدایات دیں کہ وہ اپنے روینیو افسران کو درست ٹیکس وصولی کیلئے تیار رکھیں۔ اس موقع پر پارلیامانی امور کے صوبائی وزیر ڈاکٹر سکندر میندھرو نے اجلاس کو بریفنگ دیتے ہوئے بتایا کہ انہوں نے آبادگاروں کی مختلف تنظیموں کے نمائندگان سے ملاقاتیں کیں جس کے نتیجے میں انہیں ٹیکس نظام میں بہت سی ناہمواریاں اور امتیازی قانون کا علم ہوا۔انہوں نے بتایا کہ پنجاب میں زرعی آمدن ٹیکس کی چھوٹ کی حد کو 80ہزار سے بڑھاکر 4لاکھ روپے تک کیاگیا ہے جبکہ سندھ میں ابھی تک 80ہزار ہی ہے،جوکہ غیر منصفانہ عمل ہے۔اس طرح کئی ایسے دیگر اشوز ہیں یہاں آبادگاروں کو اعتراضات ہیں جنہیں انصاف کے تحت حل کرنا ہوگا۔انہوں نے بتایا کہ انہوں نے مختلف اسٹیک ہولڈرز سے تجاویز وصول کیں ہیں اور ان پر کام کر رہے ہیں، جس کے تحت جلد ہی ایک متفقہ مسودہ تیار کرکے سندھ اسمبلی میں پیش کیا جائے گا۔متعلقہ عنوان :
مزید قومی خبریں
-
وزیر اعلیٰ بلوچستان کی زیر صدارت محکمہ لائیو سٹاک اینڈ ڈیری ڈویلپمنٹ کا اجلاس ،شعبے کی کارکردگی کا جائزہ لیا گیا
-
اسلام آباد پولیس خدمت مراکز میں فراہم کی جانے والی سروسز پر فیسوں کا اطلاق
-
پاکستان سمیت دنیا بھر میں بلند فشار خون کی مرض سے آگاہی کا عالمی دن 17مئی کومنایا جائے گا
-
وفاقی وزیر داخلہ کا سکھرشہر میں 12 سال بعد بھی پاسپورٹ آفس کی عمارت مکمل نہ ہونے پر برہمی کا اظہار
-
وفاقی وزیر قانون و انصاف سے امپلی مینٹیشن مینارٹی رائٹس فورم اور کرسچن لائرز ایسوسی ایشن کے وفد کی ملاقات،اقلیتوں کے حقوق کے نفاذ بارے تبادلہ خیال کیا
-
پاکستان میں بیرونی سرمایہ کاری کے وافر مواقع موجود ہیں ، سپیکر قومی اسمبلی سردار ایاز صادق کی قطر کے سفیر سے ملاقات میں گفتگو
-
لاہور ہائیکورٹ نے پی پی 161 میں دوبارہ گنتی کرانے کا نوٹس کالعدم قرار دے دیا
-
وزیراعلیٰ مریم نواز کیخلاف پولیس وردی پہننے پر اندراج مقدمہ کی درخواست پر سماعت 2مئی تک ملتوی
-
پرویزالٰہی کی گرفتاری ، پولیس افسران کیخلاف توہین عدالت کیس میں فیصلہ محفوظ
-
ایل این جی ریفرنس کی واپسی شاہد خاقان کی بے گناہی کا ثبوت ہے‘ سعد رفیق
-
پنجاب ،مختلف شہروں میں ماحولیاتی آلودگی پھیلانے والی فیکٹریوں کیخلاف کارروائیاں
-
پی ٹی آئی، مولانا فضل الرحمن اکٹھے ہوگئے تو حکومت 4 ماہ سے زیادہ نہیں چلے گی، فواد چوہدری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.