کراچی ایئر پورٹ حملے میں اے ایس ایف کے شہید سب انسپکٹر طارق مسعود کے ورثاء کو دس لاکھ کا چیک، آشیانہ ہاؤسنگ سکیم فیصل آباد میں گھر کے کاغذات پیش، شہید کے تین بچوں کیلئے مفت تعلیم ‘ اہلخانہ کیلئے سرکاری ہسپتال میں فری علاج معالجہ ‘ طارق مسعود شہید سپورٹس سٹیڈیم اور ان کی رہائش گاہ کے قریب چوک کو طارق مسعود شہید چوک کے نام سے منسوب کرنے کا بھی اعلان
اتوار 15 جون 2014 21:28
فیصل آباد(اُردو پوائنٹ اخبار تازہ ترین۔15جون۔2014ء) وزیر اعلی پنجاب محمد شہباز شریف کی طرف سے صوبائی وزیر بلدیات و قانون رانا ثناء الله خاں نے کراچی ایئر پورٹ پر دہشت گردی کے افسوسناک واقعہ میں اے ایس ایف کے شہید سب انسپکٹر طارق مسعود کے ورثاء کو دس لاکھ روپے مالیت کا چیک اور آشیانہ ہاؤسنگ سکیم فیصل آباد میں گھر کے کاغذات پیش کئے جبکہ شہید کے تین بچوں کے لئے مفت تعلیم ‘ اہلخانہ کے لئے سرکاری ہسپتال میں فری علاج معالجہ ‘ گاؤں میں بوائز سکول سے متصل چار ایکٹر اراضی پر طارق مسعود شہید سپورٹس سٹیڈیم بنانے اور ضلعی انتظامیہ کی طرف سے ان کی رہائش گاہ کے قریب چوک کو طارق مسعود شہید چوک کے نام سے منسوب کرنے کا بھی اعلان کیا ۔
اس سلسلے میں صوبائی وزیر چک نمبر 61 ر ب تھانہ بلوچنی شیخوپورہ روڈ پر شہید کے گاؤں پہنچے اور وہاں گرلز ہائی سکول میں منعقدہ تقریب کے دوران شہید سب انسپکٹر مسعود کے اہلخانہ سے اظہار یکجہتی کیا ۔(جاری ہے)
رکن قومی اسمبلی کرنل غلام رسول ساہی ‘ ارکان صوبائی اسمبلی رانا شعیب ادریس ‘ رائے عثمان کھرل ‘ آر پی او محمد نواز وڑائچ ‘ ڈی سی او نور الامین مینگل ‘ سی پی او ڈاکٹر حیدر اشرف ‘ مسلم لیگی رہنما رانا احمد شہر یار‘ شہید طارق مسعود کے اہلخانہ اور اہل علاقہ بڑی تعداد میں موجود تھے ۔
صوبائی وزیر بلدیات و قانون نے طارق مسعود شہید کے اہل خانہ سے گہری ہمدردی کا اظہار کیا اور شہید کی روح کے ایصال ثواب کے لئے فاتحہ خوانی کی ۔ انہوں نے کہا کہ سب انسپکٹر نے جواں مردی کے ساتھ دہشت گردوں کا مقابلہ کرتے ہوئے جام شہادت نوش کیا وہ ان کی بہادری اور جرات کو سلام پیش کرتے ہیں اور پوری قوم کو ان پر فخر ہے ۔ انہوں نے کہا کہ شہید نے وطن اور قوم کی خاطر اپنی جان قربان کر دی وہ ہمارے ہیرو ہیں جن کی خدمات کو کبھی فراموش نہیں کیا جا سکتا ۔ ایم این اے کرنل غلام رسول ساہی نے شہید کی جرات اور بہادری کو خراج تحسین پیش کیا اور پسماندگان کے لئے صبر جمیل کی دعا کی ۔ شہید کے بھائی عابد علی نے مالی امداد پر وزیر اعلی پنجاب محمد شہباز شریف کا شکریہ ادا کیا۔اس موقع پر وزیر اعلی پنجاب محمد شہباز شریف کا پیغام بھی پڑھ کر سنایا گیا جس میں ان کی طرف سے شہید کے اہلخانہ سے اظہار ہمدردی اور بھر پور تعاون کا یقین دلایا گیا۔مزید قومی خبریں
-
قائد ن لیگ کے دیرینہ ساتھی ،سابق ایم این اے میاں افضل حسین تارڑدل کا دورہ پڑنے سے انتقال کرگئے
-
رواں سال مسلسل چوتھے مہینے میں بھی مختلف موبائل فونز کی قیمتوں میں کمی
-
ق*نصف درجن شادیاں کرنے والی دلہن گروہ سمیت گرفتار ۔ عدالت نے مقدمہ ڈسچارج کردیا
-
نیشنل ہائی ویز اینڈ موٹروے پولیس میں ملازمتوں کی تاریخ میں توسیع کردی گئی ہے، ترجمان
-
نادرا کا سائبر سیکیورٹی سسٹم مزید مضبوط کرنے کا فیصلہ
-
طاقت کی دھمکیوں سے نہ کسی کو فائدہ ہوا اور نہ ہوگا،اعظم نذیر تارڑ
-
ْاسٹیبلشمنٹ سے مذاکرات کی خواہش نے پی ٹی آئی کا اصل چہرہ بے نقاب کر دیا،رانا تنویر حسین
-
ووٹ کو عزت ملی ہوتی تو 8 فروری کو نتائج مختلف ہوتے، جاوید لطیف
-
پی ٹی آئی فوج کے بعد حکومت سے بھی مذاکرات کریگی، فیصل واوڈا
-
پاکستان ڈیجیٹل کرنسی کی جانب جانے کا سوچ رہا ہے، وزیر خزانہ
-
p تحریک انصاف کا 3مئی کو فیصل آباد میں جلسہ عام کا اعلان
-
پاکستان کو نمایاں مشکلات کا سامنا ہے،ایم ڈی آئی ایم ایف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.