سکول آف لیڈرشپ کے زیراہتما م ینگ لیڈرزکانفرنس کراچی میں ہوگی

کراچی (اُردو پوائنٹ تازہ ترین اخبار۔ 19اگست 2014ء) سالانہ پانچ روزہ ینگ لیڈرزکانفرنس 11 ستمبر 2014 کوموون پک (Movenpick ) ہوٹل، کراچی میں منعقدہوگی۔ ینگ لیڈرزکانفرنس خصوصی طورپر پاکستان اور بیرون ملک سے آنیوالے 18 تا 24 برس کی عمر کے نوجوانوں کیلئے منظم کی گئی ہے جواسکول آف لیڈرشپ کا ایک خصوصی پروگرام ہے اورنوجوانوں کی ترقی کیلئے تنظیم کے عزم کا ثبوت ہے۔

ینگ لیڈرزکانفرنس میں تجرباتی آموزش، انٹرایکٹو سیشنز، غوروفکر، رویوں کی تربیت، تحریکی اورگروپ پرمبنی سرگرمیوں کے منفرد امتزاج کے ایک موضوعی جائزہ کے ساتھ سیکھنے پر توجہ مرکوزرکی جائے گی ۔جونیئرلیڈرزکانفرنس کا عنوان ”مستقبل یہاں “ ہے ۔اس کے علاوہ تمام پانچ دنوں میں ذیلی موضوعات کے تحت بھی بحث ومباحثہ کے سیشن ہوں گے ۔

(جاری ہے)

پانچ دنوں کے دوران مختلف سماجی و اقتصادی پس منظرسے تعلق رکھنے والے 300 شرکاء کو سیاست ، کاروبار ، ترقی، معاشیات اور ثقافت کے شعبوں سے تعلق رکھنے والے تقریبا 50 مفکریں کے ساتھ بات چیت کرنے کا موقع ملے گا۔

ملک کے سرکردہ مفکرین اورٹرینرزکامران رضوی، شیریں نقوی، ندیم چوہان ، صائمہ خان اور عمیر جلیانوالہ کانفرنس کے دوران اپنے خیالات کا اظہارکریں گے۔رواں سال کے پراجیکٹ منیجر وقار علی کے مطابق وائی ایل سی ایک تغیراتی تجربہ ہے۔ یہ لوگوں کو ان کی طاقت اورکمزوریوں کی شناخت میں مدد فراہم کرے گی ۔یہ ہمیں خود آگاہی دینے کے علاوہ بہتر شہری اورانسان بنانے میں معاونت کیلئے ذمہ داری کا احساس دلائے گا۔

نجی شعبہ کا وائی ایل سی کو کامیاب بنانے میں اہم کردار رہا ہے۔برٹش کونسل آف پاکستان ، فریڈریک نومان اسٹفٹنگ، انگلش بسکٹ مینوفیکچررز، ٹی سی ایس، تھل انجینئرنگ، فوجی فرٹیلائیزرکمپنی اور شیمراک کمیونیکیشنز سمیت اہم اداروں اور تنظیموں کی جانب سے سکول آف لیڈرشپ کی کانفرنس کوکامیاب بنانے کیلئے قابل قدرتاریخ ہے۔ اس کے علاوہ انٹیل پاکستان بھی کانفرنس کوسپورٹ کرنے کیلئے معاونت کررہی ہے۔