اگر بھارت سمجھتا ہے کہ مسئلہ کشمیر کو پس پشت ڈال کر مذاکرات کریں گے تو ایسا نہیں ہوسکتا،سرتاج عزیز
منگل 26 اگست 2014 21:13
اسلام آباد(اُردو پوائنٹ تازہ ترین اخبار۔26 اگست 2014ء) وزیراعظم کے مشیر برائے قومی سلامتی وخارجہ امور سرتاج عزیز نے کہا ہے کہ اگر بھارت سمجھتا ہے کہ مسئلہ کشمیر کو پس پشت ڈال کر مذاکرات کریں گے تو ایسا نہیں ہوسکتا،عمران خان کے 6میں سے5مطالبات تسلیم کرلئے ہیں،معاشی بہتری اور پاکستان کا امیج بہتر بنانے کیلئے انہیں دھرنا ختم کردینا چاہئے،ٹیکس اور بجلی کے بل نہ دینے کے بارے میں ان کے بیانات غیر ذمہ دارانہ ہیں،وزیراعظم کے 30دن چھٹی پر جانے کی آئین میں کوئی گنجائش نہیں۔
منگل کو مقامی ہوٹل میں میڈیا سے بات چیت کرتے ہوئے سرتاج عزیز نے کہا کہ پاکستان کی طرف سے بھارت سے نیک نیتی کے ساتھ مذاکرات کی کوشش کی گئی ،اگر بھارت سمجھتا ہے کہ مسئلہ کشمیر کو پس پشت ڈال کر مذاکرات ہوں گے تو کشمیر کے بغیر بھارت سے بات نہیں ہوسکتی۔(جاری ہے)
ایک اور سوال کے جواب میں انہوں نے کہا کہ مذاکرات کا بنیادی اصول یہ ہے کہ معاملات طے کرنے کیلئے درمیانی راستہ نکالا جائے، 100فیصد مطالبات کوئی بھی نہیں منوا سکتا،حکومت نے عمران خان کے چھ میں سے پانچ مطالبات تسلیم کرلئے جو بہت اہم تھے،بہتر ہوتا کہ وہ دھرنا ختم کردیتے اس سے معاشی بہتری آتی اور پاکستان کا امیج بھی بہتر ہوتا۔
مسلم لیگ(ن) کی طرف سے ریلیاں نکالنے کے بارے میں سوال پر سرتاج عزیز نے کہا کہ ان کا بنیادی مقصد واضح ہے کہ جو لوگ دھرنا دیکر یہ کہہ رہے ہیں کہ ہماری بات مان لی جائے وزیراعظم ان پر ثابت کرنا چاہتے ہیں کہ ہمارے ساتھ بھی عوام ہیں،تاہم ریلیوں کو لڑائی جھگڑے سے منع کیا گیا ہے۔انہوں نے کہا کہ ملک میں عدم استحکام سے ریاست کا نظام جام ہوجاتا ہے،معیشت کی بہتری میں بہت وقت لگتا ہے لیکن تباہی صرف ایک ہفتے میں ہوجاتی ہے۔ٹیکس اور بجلی کے بل نہ دینے کے بارے میں عمران خان کے بیانات غیر ذمہ دارانہ اور نقصان دہ ہیں۔انہوں نے کہا کہ ایسے وقت میں جبکہ چین کے صدر آئندہ ماہ پاکستان آنے والے ہیں وزیراعظم کی 30دن کیلئے چھٹی پر جانے کی آئین میں کوئی گنجائش نہیں۔انہوں نے کہا کہ28اگست کو ترک وزیراعظم نے حلف اٹھانا ہے،2ستمبر کو افغانستان کے نئے صدر اقتدار سنبھال رہے ہیں ان حالات میں وزیراعظم چھٹی پر نہیں جاسکتے کیونکہ اس سے ملک بند ہوجائے گا لیکن ہم ملک بند نہیں کرسکتے۔۔۔متعلقہ عنوان :
مزید اہم خبریں
-
اسلام آباد ہائیکورٹ کا بشریٰ بی بی کو اڈیالہ جیل منتقل کرنے کا حکم
-
مہاجرت بارے غلط معلومات اور سیاست بدگمانیوں کا سبب، آئی او ایم
-
عمران خان سمیت ہر قیدی بنیادی انسانی حقوق اور قانونی تحفظ کا حقدار ہے، امریکہ
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.