بلوچستان سے غربت اور بے روزگاری کے خاتمہ کیلئے مقامی سرمایہ دار صوبے میں صنعتیں لگائیں ،ڈاکٹر عبدالمالک بلوچ
منگل 16 ستمبر 2014 22:08
کوئٹہ (اُردو پوائنٹ اخبار تازہ ترین۔16ستمبر 2014ء ) وزیر اعلیٰ بلوچستان ڈاکٹر عبدالمالک بلوچ نے کہا ہے کہ بلوچستان سے غربت، اور بے روزگاری کے خاتمہ کیلئے مقامی سرمایہ دار صوبے میں صنعتیں لگائیں ان خیالات کاا ظہار وزیر اعلیٰ بلوچستان نے چیمبر آف سمال ٹریڈ اینڈ سمال انڈسٹریز کوئٹہ کے وفد سے گفتگو کرتے ہوئے کیا انہوں نے کہا کہ بلوچستان کے سرمایہ دار یہاں چھوٹی صنعتیں لگائیں صوبائی حکومت نہ صرف حوصلہ افزائی کرے گی بلکہ انہیں خصوصی مراعات بھی دے گی، بلوچستان میں بیروزگاری کے خاتمہ کیلئے صنعتیں لگانے سے صوبے سے نہ صرف غربت کا خاتمہ ہوگا بلکہ ہم ضروری اشیاء ودیگر مصنوعات باہر سے منگوانے کی بجائے خود کفیل بھی ہونگے اس وقت ہم صرف صارف سماج بن چکے ہیں، دودھ، انڈے، مرغی سمیت روزمرہ کی ضروریات کی اشیاء بھی دیگر صوبوں سے لائی جاتی ہیں جس کی وجہ سے ہماری معیشت پر انتہائی منفی اثرات مرتب ہو رہے ہیں، چھوٹی صنعتوں کے نہ ہونے اور پیکنگ کے فقدان سے ہمارے فروٹ کی مناسب قیمت زمینداروں کو نہیں ملتی، وزیر اعلیٰ نے کہا کہ معدنیات اور کانکنی کے شعبے میں سرمایہ کاری سے سرمایہ کاروں کو بہتر آمدن اور عوام کو روزگار کے مواقع میسر آئیں گے، وزیر اعلیٰ نے کہا کہ سمال ٹریڈ اور انڈسٹریز کے نمائندے بلوچستان صنعتکاری کیلئے اپنی تجاویز صوبائی حکومت کو ارسال کریں، ہم انہیں ہر ممکن سہولیات فراہم کریں گے وزیر اعلیٰ نے کہا کہ بلوچستان انوسٹمنٹ بورڈ میں کوئٹہ، لسبیلہ اور گوادر کے چیمبر آف کامرس کو نمائندگی دی گئی ہے، وفد نے صوبائی حکومت کے امن و امان سے متعلق اقدمات کی تعریف کرتے ہوئے کہا کہ صنعتکار اور کاروبار کیلئے امن کا قیام انتہائی کلیدی اہمیت رکھتا ہے موجودہ حکومت نے اس جانب بھرپور توجہ دی ہے۔
متعلقہ عنوان :
مزید اہم خبریں
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
-
اسکاٹ لینڈ کے پہلے مسلم پاکستانی نژاد وزیراعظم نے استعفیٰ دیدیا
-
بھارتی وزیرخارجہ امیت شاہ ہیلی کاپٹر حادثے میں بال بال بچ گئے
-
پی ٹی آئی سے مذاکرات سے انکاری نہیں، فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.