حکومت پانچ سال سے کم عمر تمام بچوں کو پولیو کے قطرے پلانا یقینی بنائے ،ہیلتھ ٹیموں کو مکمل تحفظ دے‘ عالمی ماہرین
جمعہ 24 اکتوبر 2014 18:36
لاہور ( اُردو پوائنٹ اخبار تازہ ترین۔24 اکتوبر۔2014ء) پاکستان میں سے پولیو کا مکمل خاتمہ کرنے کے لیے معاشرے کے ہر رْکن کو اپنا بھرپور کردار ادا کرنا ہوگا تاکہ نئی نسل کو عمر بھر کی معذوری سے بچایا جاسکے۔ ان خیالات کا اظہار مختلف عالمی ماہرین نے لاہور چیمبر آف کامرس اینڈ انڈسٹری میں ورلڈ پولیو ڈے کے موقع پر منعقدہ سیمینار سے خطاب کرتے ہوئے کیا جس کا اہتمام روٹری کلب اور لاہور چیمبر آف کامرس اینڈ انڈسٹری نے مشترکہ طور پر کیا تھا۔
لاہور چیمبر آف کامرس اینڈ انڈسٹری کے سینئر نائب صدر میاں نعمان کبیر سیمینار کے مہمانِ خصوصی تھے جبکہ ایگزیکٹو کمیٹی اراکین شہزاد احمد، خواجہ خاور رشید، راجہ ریاض احمد اور سابق ایگزیکٹو رکن میاں زاہد جاوید نے بھی اس موقع پر خطاب کیا۔(جاری ہے)
اس موقع پر خطاب کرتے ہوئے لاہور چیمبر آف کامرس اینڈ انڈسٹری کے سینئر نائب صدر میاں نعمان کبیر نے کہا کہ دنیا بھر میں پولیو کی وبا کا خاتمہ ہورہا ہے لیکن پاکستان میں اس مرض کا دوبارہ سے پیدا ہوجانا تشویشناک ہے لہذا ہمیں اس کے خلاف جنگ لڑنا ہوگی۔
انہوں نے کہا کہ عوام میں پولیو کے متعلق شعور و آگہی پیدا اور اس مسئلے کو قومی سطح پر اْجاگر کرنے کے لیے روٹری کلب کی کوششوں کو سراہا۔ انہوں نے حکومت پر زور دیا کہ پانچ سال سے کم عمر تمام بچوں کو پولیو کے قطرے پلانا یقینی بنائے اور ہیلتھ ٹیموں کو مکمل تحفظ دے۔ لاہور چیمبر کے سینئر نائب صدر نے کہا کہ لاہور چیمبر آف کامرس اینڈ انڈسٹری اس بیماری کے متعلق شعور و آگہی پیدا کرنے کے لیے ہر ممکن اقدامات اٹھائے گا۔ انہوں نے کہا کہ روٹری کلب کے تعاون سے لاہور چیمبر کے ریڈیو ایف ایم 98.6کے ذریعے اس سلسلے میں پروگرامز نشر کیے جائیں گے ۔ انہوں نے کہا کہ لاہور چیمبر اپنی سماجی ذمہ داریوں سے بھی بخوبی آگاہ ہے اور اس کی سرپرستی میں لاہور بزنسمین ایسوسی ایشن برائے بحالی معذوراں (لبارڈ) معذور افراد کی بحالی کے لیے کوشاں ہے۔ دیگر مقررین نے بھی پولیو کے خاتمے کے لیے بھرپور کوششیں کرنے کے عزم کا اظہار کرتے ہوئے کہا کہ پاکستان کو پولیو سے پاک کرنا ہر ایک کا نصب العین ہونا چاہیے۔ انہوں نے کہا کہ اس سلسلے میں خواتین کا کردار بہت اہمیت کا حامل ہے لہذا اُن میں شعور و آگہی پیدا کرنا زیادہ ضروری ہے۔مزید اہم خبریں
-
مزدور کو درپیش مسائل کا مکمل ادراک ہے، حکومت آئندہ بجٹ میں مزدوروں کو ریلیف فراہم کرنے کے لیے ہر ممکن اقدامات اٹھائے گی، وزیراعظم شہباز شریف کا تقریب سے خطاب
-
ای او بی آئی نے پنشنرز کیلئے 4ارب 73کروڑ روپے سے زائد کی پنشن جاری کردی
-
حقیقت میں آج واقعی بندہ مزدور کے اوقات بہت سخت ،زندگی غریب آدمی پر بہت تنگ ہے، شہباز شریف
-
وفاقی وزیر داخلہ کا پاکستان کوسٹ گارڈز کو اپ گریڈ کرنے کا اعلان
-
سپیکرقومی اسمبلی کی تونسہ شریف میں جھنگی چیک پوسٹ پر دہشتگردوں کے حملے کی مذمت
-
محنت کش طبقے کے حقوق کا تحفظ کئے بغیرترقی اور خوشحالی کا خواب شرمندہ تعبیر نہیں ہو سکتا، حمزہ شہباز شریف
-
امریکہ غزہ میں فوری جنگ بندی کے لیے پرعزم ہے، انٹونی بلنکن
-
آرمی چیف کی موجودہ اور نامزد برطانوی چیف آف جنرل اسٹاف سے ملاقاتیں ، پیشہ وارانہ امورپر تبادلہ خیال
-
سمگلنگ ملکی معیشت کے لیے نقصان دہ، کوسٹ گارڈز اسے روکنے میں اہم کردار ادا کرسکتے ہیں،وفاقی وزیر داخلہ
-
کووڈ۔19 مریضوں پر جراثیم کش ادویات کا استعمال ’خطرناک نتائج کا حامل‘
-
غزہ: ان پھٹا گولہ بارود صاف کرنے میں 14 سال لگ سکتے ہیں، ماہرین
-
یوکرین جنگ: بچوں کی ہلاکتوں میں 40 فیصد اضافہ، یونیسف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.