2013-14میں پنجاب میں چنے کے 21لاکھ 90ہزار ایکڑ رقبہ سے 4لاکھ 9ہزار ٹن پیداوار حاصل ہوئی  محکمہ زراعت

موسم میں تبدیلی کی وجہ سے امریکن سنڈی حملہ آور ہو سکتی ہے ترجمان

اتوار 30 نومبر 2014 17:13

راولپنڈی (اُردو پوائنٹ اخبارتاز ترین۔30نومبر 2014ء) محکمہ زراعت پنجاب راولپنڈی کے ترجمان کے مطابق 2013-14میں پنجاب میں چنے کے 21لاکھ 90ہزار ایکڑ رقبہ سے 4لاکھ 9ہزار ٹن پیداوار حاصل ہوئی ۔ ترجمان کے مطابق چنا ربیع کی ایک اہم پھلی دار فصل ہے اور پنجاب میں چنے کا تقریباً 92فیصد رقبہ بارانی علاقوں پر مشتمل ہے۔

(جاری ہے)

چنے کی فصل سے بھرپور پیداوار کے حصول کے لئے جڑی بوٹیوں کی تلفی، سنڈیوں اور کیڑوں پر کنٹرول انتہائی ضروری ہے۔

اگر فصل پر دیمک یا ٹوکے کا حملہ نظر آئے تو زرعی ماہرین کے مشورہ سے سفارش کردہ زہروں کا استعمال کریں۔ موسم میں تبدیلی کی وجہ سے امریکن سنڈی حملہ آور ہو سکتی ہے لہٰذا کاشتکار کھیت کا باقاعدگی سے معائنہ کرتے رہیں اور حملہ کی صورت میں سفارش کردہ زہر کے سپرے سے بروقت تدارک کریں۔