تھر متاثرین کی ہر ممکن مدد ، پاکستان نیوی کا دیہی مرکزِ صحت ڈپلو میں پانچ روزہ فری میڈیکل کیمپ کا قیام ، 8دسمبر تک جاری رہے گا
جمعرات 4 دسمبر 2014 21:19
کراچی (اُردو پوائنٹ تاز ترین اخبار۔ 04 دسمبر 2014ء ) ضلع تھر کے متاثرین کی ہر ممکن مدد کرنے کے مقصد کے تحت اور ان سے اظہار ہمدردی کے لئے پاکستان نیوی نے جمعرات کو دیہی مرکزِ صحت ڈپلو میں پانچ روزہ فری میڈیکل کیمپ قائم کیاہے جو 8دسمبر تک جاری رہے گا ۔پیرا میڈیکل سٹاف اورگائنا کالوجسٹ، ڈینٹل سرجن، سرجیکل، میڈیکل، آئی ، سکن، ای این ٹی اور چائلڈ سپشلسٹ پر مشتمل ڈاکٹروں کی ٹیم جنرل ہیلتھ کیئر، کان ناک گلے،جلد کی بیماریوں،دانت کی بیماریوں، گائناکالوجی اور بچوں کی صحت کے سلسلے میں طبی علاج کی سہولیات فراہم کرے گی۔
مرض کی مکمل تشخیص کے لئے خون کے ٹیسٹ، الٹرا ساؤنڈ اور ایکسرے کی لیبارٹری بھی قائم کی گئی ہے۔مریضوں کے علاج اور انہیں مفت ادویات کی فراہمی کے ساتھ ساتھ چھوٹے آپریشنز بھی کئے جائیں گے۔(جاری ہے)
طبی سہولیات کی فراہمی کے علاوہ مقامی آبادی کو صحت ،بیماریوں سے بچاؤ، بچوں کی صحت کی حفاظت، اُصولِ صحت اور رہائشی علاقوں کی صفائی کے بارے میں آگاہی کی فراہی بھی میڈیکل کیمپ کے قیام کے مقاصد میں شامل ہے۔
بچوں میں غذائی کمی اور قابل علاج معذوریوں کے بارے میں اساتذہ اور والدین کو ہدایات دینے کے ساتھ ساتھ سکول کے بچوں کا طبی معائنہ بھی کیا جائے گا۔ میڈیکل کیمپ کے قیام کا مقصد صحت کی سہولیات کی فراہمی کے نظام میں مزید بہتری کے لئے سول میڈیکل اتھارٹیز کی مدد کرنا بھی ہے۔کمانڈر کوسٹ ریئر ایڈ مرل سید بشیر احمد نے کیمپ کے دورے کے دوران فر ا ہم کی جا نے والی طبی سہولیات کا جائزہ لیا اور انتظامات پر اطمینان کا اظہار کیا۔کمانڈر کوسٹ نے کیمپ میں موجود مریضوں سے ملاقات کے دوران انہیں یقین دلایا کہ پاکستان نیوی تھر کے متاثرین کو درپیش مشکلات کا بھر پور احساس رکھتی ہے اورجذبہ انسانیت کے تحت انہیں ہر قسم کی طبی امداد فراہم کرنے کے لئے پرُ عزم ہے۔مزید اہم خبریں
-
جسٹس منصور علی شاہ اور جسٹس اطہر من اللہ کا مداخلت نہ ہونے کا اعتراف
-
وزیر اعظم کے دورہ سعودی عرب کے دوران سرمایہ کاری کا کوئی معاہدہ نہ ہونے کا انکشاف
-
فرٹیلائزر کمپنیوں نے یوریا کھاد کی قیمتوں میں حالیہ اضافہ واپس لینے کے لیے وقت مانگا،فرٹیلائزر کمپنیوں نے 3 دن کا وقت مانگ لیا
-
خفیہ ایجنسیوں نے سیاسی مقدمات میں اپنی مرضی کے فیصلوں کیلئے مداخلت کی
-
گوگل پلے اسٹور پر مشکوک اور غیر محفوظ اینڈرائیڈ ایپلی کیشنز موجود ہونے کا انکشاف
-
ایل پی جی کے صارفین کے لیے خوشی کی خبر، مئی کے لیے ایل پی جی کی قیمتوں میں کمی کردی گئی
-
رانا ثنا اللہ کو وفاق میں اہم ذمہ داری دیئے جانے کا امکان
-
ایف بی آر کی تاجر دوست اسکیم مطلوبہ نتائج حاصل کرنے میں ناکام ہوگئی
-
اسٹاک مارکیٹ میں مسلسل دوسرے دن بدترین مندی
-
گورنرپنجاب بلیغ الرحمن سے کرغزستان کے اعزازی قونصل مہرکاشف یونس کی ملاقات
-
گاڑی کے لئے پلاٹنم کیٹگری نمبر پلیٹ کی فیس 10لاکھ مقرر کرنے پر اتفاق
-
ایل پی جی سستی کر دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.