چوہدری نثار نے نوازشریف پر دباؤ کیلئے ہمیں دھرنا جاری رکھنے کا کہا، پرویزخٹک کا انکشاف

جمعہ 5 دسمبر 2014 22:37

پشاور(اُردو پوائنٹ اخبار تازہ ترین۔5دسمبر۔2014ء) وزیراعلیٰ خیبرپختونخوا پرویز خٹک نے انکشاف کیا ہے کہ وفاقی وزیر داخلہ چوہدری نثار نے ان سے کہا تھا کہ تحریک انصاف دھرنے جاری رکھے اس سے حکومت پر دباؤ بنا رہے گا۔

(جاری ہے)

نجی ٹی وی کے پروگرام میں ٹیلی فونک گفتگو کرتے ہوئے وزیراعلیٰ خیبرپختونخوا پرویز خٹک نے کہا کہ وفاقی وزیر داخلہ چوہدری نثار سے 14 اگست سے پہلے ملاقات ہوئی تھی جس میں ان کا کہنا تھا کہ وہ دھرنے کےحق میں اور نوازشریف اس کے خلاف ہیں۔

انہوں نےکہا کہ اگر بتادوں کہ چوہدری نثار اپنے ہی وزیراعظم کے بارے میں کیا رائے رکھتے ہیں تو پھر شرمندگی ہوگی.پرویز خٹک نے کہا کہ ملاقات میں چوہدری نثار نے بتایا کہ لگتا ہے نوازشریف حکومت کرنے نہیں بلکہ صرف کاروبار کرنے آئے ہیں اس لیے تحریک انصاف دھرنے جاری رکھے اس سے حکومت پر دباؤ بنا رہے گا۔