سانحہ پشاور میں سینکڑوں معصوم بچوں کا بیدردی سے قتل انسانیت کی تذلیل ہے، بیگم پرویز خٹک،
دنیا کے کسی مذہب یا تہذیب میں ننھے بچوں کے قتل کی اجازت نہیں ،شہید بچوں اور اساتذہ کا خون رنگ لائیگا
جمعہ 26 دسمبر 2014 22:43
پشاور(اُردو پوائنٹ اخبار تازہ ترین۔26دسمبر 2014ء) وزیر اعلیٰ خیبر پختونخوا کی اہلیہ مسزعامرہ خٹک نے کہا ہے کہ سانحہ پشاور میں سینکڑوں معصوم بچوں کا بیدردی سے قتل انسانیت کی تذلیل ہے جس میں مذہب کا کوئی عمل دخل نہیں اور یہی وجہ ہے کہ اس واقعے نے نہ صرف پوری پاکستانی قوم کو ایک لمبے عرصے کیلئے سوگوار بنا دیا ہے بلکہ دہشت گردی کے اس دلخراش واقعے نے پوری بین الاقوامی برادری کے ضمیر پر بھی گہرا گھاؤ لگا دیا ہے دنیا کے کسی مذہب یا تہذیب میں ننھے بچوں کے قتل کی اجازت نہیں جبکہ حالیہ واقعے میں تعلیم کیلئے سکول گئے ننھے بچوں کا اتنے بربریت اور وحشیانہ انداز میں خون بہایا گیا جسکی تاریخ میں مثال نہیں ملتی انہوں نے کہا کہ آرمی پبلک سکول کے شہید بچوں اور اساتذہ کا خون رنگ لائے گا جس کے فوری نتائج دہشت گردی کے خلاف قومی اتحاد کی شکل میں سامنے آئے ہیں جبکہ مستقبل میں دہشت وتخریب کاری کے مکمل خاتمے اور پورے خطے میں امن و آشتی کی راہ ہموار ہوگی وہ وزیراعلیٰ ہاؤس پشاور میں سانحہ پشاور کے شہداء کیلئے قرآن خوانی اور فاتحہ خوانی کے بعد منعقدہ تقریب سے خطاب کر رہی تھیں تقریب میں بیگم گورنر خیبرپختونخوا کے علاوہ زندگی کے مختلف شعبوں سے تعلق رکھنے والی خواتین نے کثیر تعداد میں شرکت کی جبکہ تقریب سے صوبائی وزیر سماجی بہبود ڈاکٹر مہر تاج روغانی، خیبرپختونخوا آفیسرز ویمن ویلفیئر ایسوسی ایشن کی صدر بیگم محمد خالد عمرزئی، جائنٹ سیکرٹری مسز کلثوم زبیر احمد خان اور دیگر خواتین زعماء نے بھی خطاب کیااور اس سانحہ کے اثرات و نتائج پر روشنی ڈالی بیگم عامرہ خٹک نے اس بات پر اطمینان کااظہار کیا کہ اس سانحے نے ہمارے بہادر بچوں اور ماؤں میں خوف کی بجائے دہشت گردی سے نفرت اور تعلیم سے محبت کا جذبہ مزید اُجاگر کیا انہوں نے امید ظاہر کی کہ سانحہ پشاور کے بعد قوم کے اتفاق رائے سے ہونے والے اقدامات کی بدولت پورے خطے میں دہشت گردی کی نوبت نہیں آئے گی اور نہ ہی کسی کو سکولوں پر حملے اور معصوم بچوں کے قتل کی جرات ہو گی انہوں نے کہا کہ تعلیم کے ذریعے دہشت، تخریب اور جہالت کے اندھیروں کو تعمیر وترقی کی روشنی میں تبدیل کیا جا سکتا ہے۔
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.