فوجی عدالت سے موت کی سزا پانے والے 5مجرموں نے سپریم کورٹ میں اپیل دائر کردی،
مجرما ن فوجی اہلکار نہیں سویلین ہیں فوجی عدالت ان کیخلاف کارروائی نہیں کرسکتی ، درخواست میں موقف
پیر 29 دسمبر 2014 15:08
اسلام آباد( اُردو پوائنٹ اخبارتاز ترین ۔ 29دسمبر 2014ء ) فوجی عدالت سے موت کی سزا پانے والے 5مجرموں نے لاہور ہائی کورٹ سے اپیل مسترد ہونے کے بعد سپریم کورٹ میں اپیل دائر کردی ہے ، لئیق سواتی ایڈووکیٹ کی طرف سے دائر کی گئی اپیل میں ان مجرموں کو دی گئی سزائے موت کے فیصلے کو معطل کرنے کی استدعا کی گئی ہے ۔ احسن عظیم ، عمر ندیم ،عامر یوسف ، آصف ادریس اور کامران اسلم کو فوجی عدالت نے کورٹ مارشل کے بعد سزائے موت سنائی تھی جبکہ ان ملزمان کا موقف ہے کہ وہ فوجی اہلکار نہیں بلکہ سویلین ہیں اس لئے فوجی عدالت ان کیخلاف کارروائی نہیں کرسکتی ۔
سپریم کورٹ میں دائر کی گئی اپیل میں کہا گیا ہے کہ لاہور ہائی کورٹ نے ان کا موقف تسلیم کرتے ہوئے سزائے موت پر عملدرآمد روکنے کیلئے حکم امتناعی جاری کیا تھا لیکن حکومت کی طرف سے اپیل پر اگلے ہی روز یہ حکم امتناعی ختم کرتے ہوئے سزائے موت بحال کردی گئی ۔(جاری ہے)
اپیل میں کہا گیا ہے کہ فوجی عدالت سویلین کیخلاف کارروائی نہیں کرسکتی ۔ لاہور ہائی کورٹ کا حکم امتناعی جاری کرنے کا فیصلہ درست تھا جبکہ حکومت کی طرف سے دائر کی گئی اپیل غلط تھی لیکن لاہور ہائی کورٹ نے اسے تسلیم کرلیا ۔ سپریم کورٹ سے ان کی سزا پر نہ صرف عملدرآمد روکنے بلکہ اسے معطل کرنے کی استدعا کی گئی ہے اور کہا گیا ہے کہ عدالت عظمیٰ فوجی عدالتوں کی طرف سے دی گئی سزاؤں کیخلاف اپیلوں کی سماعت کرسکتی ہے
متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.