مسلح افواج جہادی ایمانی جذبے سے بھارت کو منہ توڑ جواب دیں، مولانا سمیع الحق ،
پوری قوم افواج کی پست پر کھڑی ہے، دوستی کا ہاتھ بڑھانے پر لاشوں کے تحفے دیئے گئے، سب کو مل کر دشمن کو سخت جواب دینا ہوگا، چیئرمین دفاع پاکستان کونسل
جمعرات 1 جنوری 2015 20:47
کمالیہ(اُردو پوائنٹ اخبارتاز ترین ۔ 1جنوری 2015ء) دفاع پاکستان کونسل کے چےئر مین جمعیت علماء اسلام پاکستان کے امیر مولانا سمیع الحق نے کہا ہے کہ آئے روز بھارت کی جانب سے سرحدوں پر اشتعال انگیزی کا سلسلہ جاری ہے حکومت اور مسلح افواج کو چاہیے کہ وہ جہادی ایمانی جذبے سے دشمن کو منہ توڑ جواب دے پوری قوم اپنی افواج کے ساتھ کھڑی ہے ہمارے حکمرانوں نے بھارت سے دوستی کے ہاتھ بڑھائے جبکہ بھارتی دشمن نے ہمیں لاشوں کے تحفے دیے ہم سب کو مل کر اپنے دشمن کو سخت جواب دینا ہو گا ان خیالات کا اظہاردفاع پاکستان کونسل کے چےئر مین جمعیت علماء اسلام پاکستان کے امیر مولانا سمیع الحق نے گزشتہ روز میڈیاسے ٹیلی فونک گفتگو کے دوران کیا انہوں نے کہا کہ اب وقت آ گیا ہے کہ ہمیں اپنے دشمن کی پہچان کرلینی چاہے کہ وہ کون ہے جو ملک میں اور سرحدوں پر دہشت گردی کروا رہا ہے انہو ں نے ایک سوال کے جواب میں کہا کہ جے یوآئی س پاکستان نے ہمیشہ اپنے ملک میں قیام امن اور ملکی سالمیت کے تحفظ کے لیے حکمرانوں اور مسلح افواج کا بھرپور ساتھ دیا ہے افواج کو ملکی سالمیت کی خاطر کسی بھی مقام پرہماری ضرورت محسوس کی تو جے یو آئی س پاکستان کے لاکھوں کارکن اپنی پاک فوج کے ساتھ ملکر بھارت کو سبق سکھانے کے لیے تیار ہیں ہمارے حکمرانوں کو بھی چاہیے کہ وہ اپنے اندر حب وطنی کے جذبے کو پیدا کر یں اور آئے روز سرحدوں کی خلاف ورزی کا منہ توڑ جواب دے انہوں نے کہا کہ ہم آج بھی کہتے ہیں کہ آرمی پبلک سکول سانحہ میں بھارت اور اسرائیل کا ہاتھ ملوث ہے ہمارے حکمران اس جانب سنجیدگی کا مظاہر ہ کرتے ہوئے سانحہ پشاور کے پیچھے چھپے ہوئے دشمنوں کو بے نقاب کریں تاکہ ان کے ناپاک عزائم آئندہ کبھی کامیاب نہ ہوں۔
متعلقہ عنوان :
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.