ضلع بدین سمیت سندھ بھر کی شوگر ملیں پیرسے بندکرنے کا فیصلہ،
شوگرملز اونرز نے اپنی شوگر ملیں بند کر نے کا یہ فیصلہ گنے کے نرخ اپنی مرضی کے مطابق مقرر نہ کر نے پر کیا
ہفتہ 3 جنوری 2015 21:57
پنگریو ( اُردو پوائنٹ اخبارتاز ترین۔ 3جنوری2015ء) ضلع بدین سمیت سندھ بھر کی شوگر ملیں پیرکے روز (کل) سے بند کی جارہی ہیں شوگرملز اونرز نے اپنی شوگر ملیں بند کر نے کا یہ فیصلہ گنے کے نرخ اپنی مرضی کے مطابق مقرر نہ کر نے پر کیا ہے شوگر مل مالکان کی تنظیم پاکستان شوگر ملز ایسوسی ایشن ( پاسما) نے سندھ بھر کی شوگر ملیں پانچ جنوری سے بند کر نے کے اپنے فیصلے پر عمل کر نے کے لئے کاشت کاروں کو انڈنٹ دینے بند کر دیئے ہیں اور اس ضمن میں پاسما کی جانب سے بعض اخبارات میں اشتہارات بھی شائع کرا دیئے گئے ہیں سندھ کی کاشت کار تنظیموں نے شوگر مل اونرز کے اس فیصلے کے خلاف شدید احتجاج کیا ہے اور کہا ہے کہ شوگر مل مالکان اپنی مرضی کے نرخ مقرر نہ ہو نے پر شوگر ملیں بند کر کے سندھ کی زراعت اور لاکھوں کاشت کاروں کو ناقابل تلافی نقصان پہنچا رہے ہیں مل اونرز کی ان من مانیوں کے خلاف کاشت کار تنظیمیں شوگر ملوں کا گھیراؤ کریں گی ان تنظیموں نے کہا ہے کہ شوگر مل اونرز کی یہ ہٹ دھر می حکومت سندھ کی نا اہلی کا واضح ثبوت ہے تفصیلات کے مطابق سندھ کے شوگر مل مالکان نے پیر کی شب بارہ بجے سے صوبے بھرکی شوگر ملیں بند کرنے کا اعلان کیا ہے شوگر مل مالکان کی تنظیم پاکستان شوگر ملز ایسوسی ایشن ( سندھ چیپٹر) کے اس فیصلے کے بعد ضلع بدین میں کرشنگ سیزن شروع کر نے والی چار شوگر ملوں سمیت سندھ بھر کی شوگر ملوں نے کاشت کاروں کو ہفتے کے روز سے ہی انڈنٹوں کی فراہمی بند کر دی ہے پاسما کی جانب سے بعض اخبارات میں اشتہارات بھی شائع کرائے گئے ہیں جن میں اس فیصلے کی آگاہی دی گئی ہے ذرائع سے معلوم ہو اہے کہ پاسما کا یہ فیصلہ کاشت کاروں اور حکومت کو دباؤ میں لینے کا ایک حربہ ہے تاکہ رواں سیزن میں گنے کے نرخ182روپے فی من سے کم کر کے اپنی مرضی کے مطابق مقرر کئے جاسکیں پاسما کے اس فیصلے پر سندھ کے کاشت کاروں کی نمائیندہ تنظیمیں ایوان زراعت ، سندھ آبادگار بورڈ، لاڑ آبادگار اتحاد، اسمال گروئرز ایسوسی ایشن سراپا احتجاج بن گئی ہیں ان تنظیموں کے رہنماؤں نے کہا ہے کہ سندھ کے شوگر مل اونرز کا شوگر ملیں بند کر نے کا فیصلہ صوبے کی زراعت پر کاری وار ثابت ہو گا ان رہنماؤں نے کہا ہے کہ شوگر مل اونرز گنے کے نرخ ایک سو پچاس روپے فی من مقرر کرنا چاہتے ہیں جو کہ کاشت کاروں کو کسی طور پر بھی قابل قبول نہیں ہیں ان رہنماؤں نے کہا کہ شوگر مل اونرز کا یہ فیصلہ حکومت سندھ کی نا اہلی ہے مل مالکان قانون اور آئین پر عمل کر نے کے لئے تیار نہیں ہیں ان چند ملرز کے سامنے حکومت سندھ خو دکو بے بس محسوس کر رہی ہے جس کی وجہ سے صوبے کے لاکھوں کاشت کاروں کو زبردست نقصان ہو رہا ہے جبکہ صوبے میں گندم کی بوائی بھی مقررہ ہدف کے مطابق نہیں کی جا سکی جس کی وجہ سے اس سیزن میں گندم اور آٹے کا بھی بحران پیدا ہو جائے گا ان تنظیموں نے مطالبہ کیا ہے کہ شوگر مل اونرز کو ملیں بند کر نے کے فیصلے سے روکا جائے اور گنے کے نرخ 182 روپے فی من مقرر کئے جائیں بصورت دیگر سندھ کے لاکھوں کاشت کار سڑکوں پر آجائیں گے
متعلقہ عنوان :
مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.