پاکستان مسلم لیگ(ن) کی عوام کے ساتھ پارٹنر شپ کوئی نہیں توڑ سکتا،علی اکبر گجر
جمعرات 26 مارچ 2015 17:35
کراچی(اُردو پوائنٹ اخبار تازہ ترین۔26مارچ۔2015ء) پاکستان مسلم لیگ(ن) کی عوام کے ساتھ پارٹنر شپ کوئی نہیں توڑ سکتا․ ماضی میں بھی آمروں کے ایجنٹوں نے پاکستان مسلم لیگ(ن) کے مینڈیٹ پر ڈاکہ مارنے کی کوششیں کیں لیکن کامیابی عوام کا ہی مقدر بنی․حکمران جماعت پاکستان مسلم لیگ(ن) کے صوبائی نائب صدر علی اکبر گجر نے کہا ہے کہ قوم خیبر پختونخوا میں تحریک انصاف کی مایوس کن کارکردگی کے ذمہ داروں سے نجات کی منتظر ہے․ وزیر اعظم پاکستان میاں محمد نواز شریف قوم کو پارٹ ٹائم سیاست دانوں کی پارٹنر شپ سے نجات دلائیں گے․ پاکستان مسلم لیگ(ن) آئندہ بھی عوام کے اعتماد کے ساتھ حکومتیں بناتی رہے گی․ اعلی عدالتوں اور الیکشن کمیشن کی موجودگی کے باوجود جعلی مینڈیٹ کی راگنی بند نہ ہوئی تو خیبر پختونخوا کے جعلی مینڈیٹ کا پول کھولنے پر مجبور ہونگے․پاکستان مسلم لیگ(ن) تیسری بار عوام کیے بھرپور اعتماد کے ساتھ اقتدار میں آئی ہے․پاکستان مسلم لیگ(ن) سندھ کے نائب صدر علی اکبر گجر نے کہا ہے کہ تحریک انصاف کے قائد اقتدار کے خواب دیکھتے رہیں گے اور قوم وزیر اعظم میاں محمد نواز شریف کی قیادت میں ترقی کی منزلیں طے کرتی ہوئی جدید دنیا کا حصہ بن جائے گی․ مسلم لیگ(ن) کو ملنے والا بھاری مینڈیٹ تحریک انصاف کی قیادت سے ہضم نہیں ہو رہا․ سیاسی بد ہضمی نے تحریک انصاف کی قیادت کو سیاسی اقدار اور جمہوری روایات تک سے بیگانہ کر دیا ہے․ پاکستان مسلم لیگ(ن) سندھ کے نائب صدر علی اکبر گجر نے کہا کہ طالبان کے نام کی آڑ لے کر سیاسی دکھڑے سنانے والوں کو یاد دلانا ضروری ہے کہ طالبان کس جماعت اور کس حکومت کی تخلیق تھے ؟ مسلم لیگ(ن) کی تیسری حکومت کسی جتھے یا گروہ کی مرہون منت نہیں، اپنی کارکردگی اور عوامی شعور کی وجہ سے پاکستان مسلم لیگ(ن) اٹھارہ کروڑ پاکستانیوں کا واحد سیاسی انتخاب بن چکی ہے․ پاکستان مسلم لیگ(ن) کی حکومت کے سابقہ ادوار میں پاکستان نے صنعتی، تعمیراتی اور سائنسی میدان میں مثالی ترقی کی اور پاکستان دنیا کی پہلی اسلامی ایٹمی قوت بنا جس کی وجہ سے کراچی سے خیبر تک عوام کے دلوں میں خصوصی جگہ بنائی ․ اقتد ار کے لئے پاگل پن کی حدوں تک پہنچنے والے جز وقتی سیاست دان یاد رکھیں کہ آئندہ انتخابات اپنی آئینی میعاد کے مطابق ہونگے اور آخری فتح عوام اور پاکستان مسلم لیگ(ن) کی پارٹنر شپ کی ہوگی․ پاکستان مسلم لیگ(ن) سندھ کے نائب صدر علی اکبر گجر نے کہا کہ تحریک انصاف کی قیادت کی طرف سے میرپور آزاد کشمیر کے جلسے میں استعمال کی گئی زبان جمہوری رویوں کے منافی تھی انہیں زیب نہیں دیتا کہ سیاست کو ذاتی جاگیر سمجھیں اور پاکستان کی خالق جماعت کے بارے میں ایسی گفتگو کریں جس سے کروڑوں پاکستانیوں کی دل آزاری ہو رہی ہو․ علی اکبر گجر نے کہا کہ پاکستان مسلم لیگ(ن) ایسی حقیقت ہے جسے اٹھارہ کروڑ پاکستانیوں کا بھرپور اعتماد حاصل ہے․ عوام کی خدمت پر یقین رکھنے والی پاکستان مسلم لیگ(ن) کی پارٹنر شپ صرف پاکستان کے عوام کے ساتھ ہے جسے رہتی دنیا تک کوئی دنیاوی قوت ختم نہیں کر سکتی․
متعلقہ عنوان :
مزید قومی خبریں
-
دریاخان،غیرت کے نام پر بھائی نے کزن کے ساتھ ملکر بہن کو نہر میں پھینک دیا ،نعش برآمد
-
وزیراعلی سندھ اور یورپی یونین کی سفیرکے درمیان ملاقات،سیلاب سے متاثرہ افراد کی بحالی کے لیے دو نئے منصوبوں پر تبادلہ خیال کیا گیا
-
چیچہ وطنی سے اندیشہ نقص امن کے تحت گرفتار 26 کسان جیل منتقل
-
وزیراعلیٰ سندھ اوریورپی یونین کی سفیرکی ملاقات، سیلاب متاثرین کی بحالی کیلئے دو نئے منصوبوں پر تبادلہ خیال
-
وزیرصنعت وتجارت شافع حسین نے ماڈل بازاروں کو سولر انرجی پرمنتقل کرنے کاپلان طلب کرلیا
-
عوام کی سہولت کیلئے ہر ضلع میں ماڈل بازار بنائیں گے، عوام کی خدمت ہمارا مشن ہے ، چوہدری شافع حسین
-
وزیر اعلیٰ بلوچستان کی زیر صدارت محکمہ لائیو سٹاک اینڈ ڈیری ڈویلپمنٹ کا اجلاس ،شعبے کی کارکردگی کا جائزہ لیا گیا
-
اسلام آباد پولیس خدمت مراکز میں فراہم کی جانے والی سروسز پر فیسوں کا اطلاق
-
پاکستان سمیت دنیا بھر میں بلند فشار خون کی مرض سے آگاہی کا عالمی دن 17مئی کومنایا جائے گا
-
وفاقی وزیر داخلہ کا سکھرشہر میں 12 سال بعد بھی پاسپورٹ آفس کی عمارت مکمل نہ ہونے پر برہمی کا اظہار
-
وفاقی وزیر قانون و انصاف سے امپلی مینٹیشن مینارٹی رائٹس فورم اور کرسچن لائرز ایسوسی ایشن کے وفد کی ملاقات،اقلیتوں کے حقوق کے نفاذ بارے تبادلہ خیال کیا
-
پاکستان میں بیرونی سرمایہ کاری کے وافر مواقع موجود ہیں ، سپیکر قومی اسمبلی سردار ایاز صادق کی قطر کے سفیر سے ملاقات میں گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.