آرمی چیف کی زیر صدارت کور کمانڈرز کانفرنس ، یمن کی صورتحال پر تفصیلی غور
تنازعہ جاری رہنے کے علاقائی سلامتی کیلئے شدید مضمرات ہونگے،کورکمانڈرز
جمعہ 10 اپریل 2015 19:23
راولپنڈی(اُردو پوائنٹ اخبار تازہ ترین۔10 اپریل۔2015ء) چیف آف آرمی سٹاف نے قبائلی علاقوں میں انٹیلی جنس کی بنیاد پر کئے جانیوالے آپریشنز میں تیزی لانے اور دہشتگردوں کے خفیہ ٹھکانوں کا پتہ چلا کر انہیں اور انکے مددگاروں کو گرفتار کرنے کی ہدایت کرتے ہوئے قومی ایکشن پلان پر اسکی روح کے مطابق عمل کی ضرورت پر زور دیا ہے جبکہ کور کمانڈرز نے یمن کے تنازعہ پر تفصیلی غور کرتے ہوئے کہا ہے کہ تنازعہ کے جاری رہنے سے علاقائی سلامتی کیلئے اس کے شدید مضمرات ہونگے۔
آئی ایس پی آر کے مطابق 181 ویں کور کمانڈرز کانفرنس جمعہ کو جنرل ہیڈ کوارٹرز راولپنڈی میں چیف آف آرمی سٹاف جنرل راحیل شریف کی زیر صدارت منعقد ہوئی ۔اجلاس کے شرکاء نے پیشہ ورانہ امور فوج کی آپریشنل تیاریوں اور ملک کی اندرونی و بیرونی سیکیورٹی صورتحال پر تبادلہ خیال کیا ۔(جاری ہے)
مشرق وسطیٰ میں یمن کے تنازعہ کے حوالے سے کور کمانڈرز نے صورتحال کی شدت پر تفصیلی غور و خوض کیا ۔
شرکاء نے کہا کہ تنازعہ کے جاری رہنے سے علاقائی سلامتی کیلئے اس کے شدید مضمرات ہونگے ۔ کانفرنس سے خطاب کرتے ہوئے چیف آف آرمی سٹاف جنرل راحیل شریف نے خیبر ایجنسی میں جاری آپریشن ضرب عضب کے دوران حاصل ہونیوالی حالیہ کامیابیوں پر اپنے مکمل اطمینان کا اظہار کیا ۔ انہوں نے کمانڈرز کو ہدایت کی کہ وہ قانون نافذ کرنیوالے اداروں اور دیگر حکومتوں ایجنسیوں کے ساتھ مل کر ملک کے طول و عرض سے دہشتگردی کے مکمل خاتمے کا حتمی مقصد حاصل کرنے پر توجہ قائم رکھیں۔ انہوں نے دہشتگردوں کے خفیہ ٹھکانوں کا پتہ چلانے اور چھپے ہوئے دہشتگردوں اور انکے مددگاروں کو شہری آبادیوں سے گرفتارکرنے کیلئے انٹیلی جنس کی بنیاد پر کئے جانیوالے آپریشنز میں تیزی لانے کی ہدایت کی۔ آرمی چیف نے انٹیلی جنس کی بنیاد پر کئے گئے آپریشنز کے اثرات اور سیکیورٹی صورتحال میں بہتری کو سراہا ۔ انہوں نے قومی ایکشن پلان پر اسکی حقیقی روح کے مطابق عمل کرتے ہوئے معاشرے سے انتہاء پسندی کے خاتمے پر توجہ مرکوز کرنے کی ضرورت پر زور دیا تاکہ قابل امتیاز نتائج حاصل ہو سکیں۔ پاک فوج کے سربراہ نے عارضی طور پر بے گھر ہونیوالے افراد کی قبائلی علاقوں میں باعزت واپسی کے عمل کا آغاز ہونے پراطمینان کا اظہار کرتے ہوئے کہا کہ یہ آپریشن ضرب عضب کی کامیاب حکمت عملی کا مظہرہے ۔ انہوں نے تمام متعلقین کو ہدایت کی کہ بے گھر افراد کی واپسی کا عمل بلا رکاوٹ اور پائیدار ہونا چاہئے کیونکہ ان آپریشنز کا حتمی مقصد استحکام یقینی بنانا ہے تاکہ قبائلی علاقوں کے عوام کی خواہشات کے مطابق معمول کی زندگی بحال ہو سکے اور علاقہ میں خوشحالی آ سکے ۔مزید اہم خبریں
-
پناہ گزینوں پر مشتمل ٹیم پیرس اولمپکس میں امید کا پیغام لے کر پہنچے گی
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.