گورنرخیبرپختونخوا کی کرم ایجنسی خودکش دھماکہ کی شدیدمذمت،بزدلانہ واقعات سے دہشت گردی کے خاتمہ کیلئے پاکستانی قوم کے عزم کوکمزورنہیں کیاجاسکتا،سردارمہتاب،خودکش حملہ آوروں کوہدف تک پہنچنے سے روکنے والے لیوی اہلکاروں کیلئے10لاکھ روپے انعام کااعلان کردیا
بدھ 6 مئی 2015 23:35
پشاور(اُردو پوائنٹ اخبارتازہ ترین - این این آئی۔6 مئی۔2015ء) خیبرپختونخواکے گورنرسردارمہتاب احمدخان نے کرم ایجنسی کے علاقہ علی زئی میں فٹ بال میچ کے دوران خودکش دھماکہ کی شدیدمذمت کرتے ہوئے کہاہے کہ معصوم شہریوں کے خلاف دہشت گردی کے بزدلانہ واقعات سے دہشت گردی کے خاتمہ کیلئے پاکستانی قوم کے عزم کوکمزورنہیں کیاجاسکتاگورنرنے بھاری جانی نقصانات کی روک تھام کیلئے خودکش حملہ آوروں کوہدف تک پہنچنے سے روکنے والے لیوی اہلکاروں کی جرأت وبہادری کوسراہتے ہوئے ان کیلئے10لاکھ روپے انعام کااعلان کیاہے کرم ایجنسی کے علاقہ علی زئی میں پاراچناراورعلی زئی کی فٹ بال ٹیموں کے مابین فٹ بال میچ کے دوران دوخودکش حملہ آوروں نے وسیع پیمانے پرتباہی پھیلانے کیلئے فٹ بال گراؤنڈمیں موجودہجوم میں گھسنے کی کوشش کی تاہم اس موقع پرلیوی صوبیدارکی سربراہی میں لیوی کے جوانوں نے ان خودکش حملہ آوروں کوروک کرانہیں ہدف تک پہنچنے نہ دیااوریوں وسیع پیمانہ پرتباہی پھیلانے کی یہ واردات ناکام بنادی گئی گورنرخیبرپختونخواسردارمہتاب احمدخان نے لیوی کے اہلکاروں کی اس دلیرانہ کاروائی کوسراہتے ہوئے انہیں فوری طوپر10لاکھ روپے کانقدانعام دینے کااعلان کیاگورنرنے کرم ایجنسی کی انتظامیہ کواحکامات جاری کئے ہیں کہ اس دھماکہ کوسردخانے میں ڈالنے کی بجائے اس کی سائنسی خطوط پرتفتیش کی جائے خودکش حملہ آورکی شناخت اوراس کے ذریعہ اس واردات کے ذمہ داران تک پہنچنے کیلئے ڈی این اے ٹسٹ سمیت تمام ضروری کاروائی کی جائے گورنرنے کہاکہ قوم پاک فوج کے شانہ بشانہ دہشت گردی کے خاتمہ کیلئے پوری طرح پرعزم ہے اورمعصوم شہریوں اورکھیل کودکی صحت مندانہ سرگرمیوں میں مصروف نوجوانوں کودہشت گردی کانشانہ بنانے کی بزدلانہ کاروائیوں سے دہشت گردی کے خلاف قوم کاعزم کمزورنہیں کیاجاسکتا۔
متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.