خیبرپختونخوا میں گرمی کی لہر برقرار‘ درجنوں افراد بے ہوش ‘ سڑکیں ویران ‘کاروبار زندگی معطل ہوگیا
پیر 6 جولائی 2015 12:37
پشاور۔06 جولائی (اُردو پوائنٹ اخبار تازہ ترین۔ 06 جولائی۔2015ء) پشاور سمیت خیبرپختونخوا کے بیشتر علاقوں میں شدید گرمی کی لہر پیر کو تیسرے روز بھی برقرار رہی اور سڑکیں ویران جبکہ کاروبار زندگی معطل ہوکر رہ گیا‘ شدید گرمی کے باعث درجنوں افراد بے ہوش ہوگئے۔
(جاری ہے)
تفصیلات کے مطابق صوبائی دارالحکومت پشاور سمیت خیبرپختونخو ا کے بیشتر علاقے پیر کو بھی شدید گرمی کی لپیٹ میں رہے‘ پشاور ‘کوہاٹ‘ بنوں‘ لکی مروت‘ کرک‘ ڈیرہ اسماعیل خان‘ ٹانک سمیت مردان ‘صوابی سمیت بیشتر علاقے شدید گرمی کی لہر اور خشک موسم کی زد میں رہے‘ مختلف شہروں سے درجنوں افراد کے بے ہوش ہونے کی اورہسپتال میں داخلے کی اطلاعات ہیں‘ صوبائی محکمہ صحت نے شدید گرمی کے باعث ہنگامی صورتحال سے نمٹنے کیلئے سرکاری ہسپتالوں میں ایمرجنسی نافذ کردی ہے تاکہ کسی بھی ناخوشگوار صورتحال سے نمٹنا جاسکے‘ ہسپتالوں میں طبی عملے کو الرٹ کرنے کیساتھ ساتھ ہسپتالوں میں شدید گرمی سے متاثرہ افراد کی فوری طبی امداد کیلئے خصوصی وارڈ تیار رکھنے کی ہدایات جاری کردی گئی ہیں‘ محکمہ صحت کی طرف سے لوگوں کو بھی ہدایات جاری کی گئی ہیں کہ وہ دھوپ میں باہر نکلنے سے گریز کریں اور دھوپ میں نکلنے کی صورت میں اپنے سر اور گردن کو کپڑے سے ڈھانپ کر رکھیں‘ دریں اثناء پشاور میں شدید گرمی کی وجہ سے دن بھر سڑکیں سنسان اور ویران رہیں‘ ماہ رمضان اور گرمی کے باعث لوگوں نے عید کی خریداری کیلئے بھی بازاروں اور مارکیٹوں کا رخ نہیں کیا، گرمی کے سے بچاؤ کیلئے منچلے نوجوانوں نے نہروں اور قریبی دریاؤں کا رخ کرلیا ‘ شدید گرمی کی وجہ سے پیسکو کا بجلی کی ترسیل کا نظام بھی بری طرح متاثر ہوا اور کئی علاقوں میں بجلی کے فیڈر وقفے وقفے سے ٹریپ ہوتے رہے جس کی وجہ سے شہریوں کو شدید گرمی میں مزید مشکلات سے دوچار ہونا پڑا‘ محکمہ موسمیات نے پرسوں بدھ سے خیبرپختونخوا کے علاقوں میں بارش کی پیشنگوئی کی ہے۔
متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.