پچھلے دس دنوں میں اردو یونیورسٹی میں انقلابی نوعیت کے اقدامات اٹھائے گئے ہیں، ڈاکٹر سلیمان ڈی محمد
ہفتہ 29 اگست 2015 16:39
کراچی (اُردو پوائنٹ اخبار تازہ ترین۔ 29 اگست۔2015ء)وفاقی اردو یونیورسٹی کے قائم مقام وائس چانسلر پروفیسر ڈاکٹر سلیمان ڈی محمد نے عبدالحق کیمپس کے انقلابی جمہوری گروپ کی جانب سے دیئے جانے والے استقبالیہ سے خطاب کرتے ہوئے کہا ہے کہ پچھلے دس دنوں میں اردو یونیورسٹی میں انقلابی نوعیت کے اقدامات اٹھائے گئے ہیں، تدریسی و تحقیقی نظام کو جدید خطوط پر استوار کیا جارہا ہے اور اس سلسلے میں متحرک اساتذہ پر مشتمل مختلف کمیٹیاں بھی تشکیل دی گئی ہیں جو تندہی سے اپنے کام سر انجام دے رہی ہیں۔
انہوں نے کہا کہ گزشتہ 13 برسوں میں پہلی مرتبہ ”وفاقیئن“ کے نام سے ریسرچ جرنل آف سوشل سائنسز کا اجراء کیا جارہا ہے اور جلد ہی دیگر شعبوں سے بھی جریدوں کے اجراء کا آغاز ہوجائے گا۔(جاری ہے)
اس کے علاوہ سابقہ دور کے غلط اقدامات کی وجہ سے یونیورسٹی کو جو مالی مسائل کا سامنا ہے انہیں بھی دن رات کام کر کے دور کیا جارہا ہے ۔ تقریب سے انقلابی جمہوری گروپ کے کنوینیئر ڈاکٹر اصغر دشتی ، بین الاقوامی تعلقات کے صدر ڈاکٹر وسیم الدین نے بھی خطاب کیا۔
صدر شعبہ تعلیمات ڈاکٹر کمال حیدر نے وائس چانسلر کو اجرک جبکہ شعبہ بین الاقوامی تعلقات کے استاد ڈاکٹر ممنون احمد خان نے گلدستہ پیش کیاجبکہ تقریب کی نظامت کے فرائض انچارج ایم فل / پی ایچ ڈی پروگرام شعبہ اردو ڈاکٹر یاسمین سلطانہ نے انجام دیئے۔ تقریب میں صدر شعبہ سندھی ڈاکٹر کمال جامڑو، صدر شعبہ بزنس ایڈمنسٹریشن عبد الصمد اور استاد خرم شاہ نواز، شعبہ بین الاقوامی تعلقات کے اساتذہ ڈاکٹر فیصل جاوید ، رضوانہ جبیں ، افشاں بروہی اور انچارج ڈیٹا بیس خرم مشتاق نے بھی شرکت کی۔ اس موقع پر انقلابی جمہوری گروپ نے ڈاکٹر پروفیسرسلیمان ڈی محمد کے وائس چانسلر بننے کو یونیورسٹی کے لیے خوش آئند قرار دیا اور اس بات کی یقین دہانی کرائی کہ وائس چانسلر کی جانب سے یونیورسٹی کی بہتری کے سلسلے میں اٹھائے گئے تمام اقدامات کی بھرپور حمایت کی جائے گی۔مزید تعلیم کی خبریں
-
میٹرک اورانٹرمیڈیٹ کے امتحانات سرکاری سکولوں کے لیے درد سر بن گئے
-
یونیورسٹی آف ہیلتھ سائنسز میں چوتھی پرنسپلز نرسنگ اینڈ الائیڈ ہیلتھ پروفیشنل انسٹیٹیوٹس کانفرنس،صوبائی وزراء صحت کی بطور مہمان خصوصی شرکت
-
اوپن یونیورسٹی نے داخلوں کی تاریخ میں 15مئی تک توسیع کردی
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.