لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی

بدھ 17 اپریل 2024 20:17

لاہور (اُردو پوائنٹ اخبارتازہ ترین - آن لائن۔ 17 اپریل2024ء) لاہور میں 21 اپریل کو ضمنی انتخابات ہونے کے باعث انٹرمیڈیٹ کے 2 پیپرز ملتوی کر دیئے گئے۔ تفصیلات کے مطابق کیمسٹری کا پیپر 20 تاریخ اور انگریزی کا پیپر 22 تاریخ کو منعقد ہونا تھا امتحانات صبح اور شام دونوں شفٹوں کا ملتوی کیے گئے ہیں۔

(جاری ہے)

اس حوالے سے بورڈ حکام نے کہا ہے کہ دونوں پیپرز کی نئی تاریخوں کا اعلان بعد میں کیا جائے گا۔ واضح رہے کہ انٹرمیڈیٹ امتحان میں سکولوں کے ہزاروں اساتذہ ڈیوٹی سرانجام دے رہے ہیں، مذکورہ اساتذہ میں سے 246 سپرنٹینڈنٹ، 59 ڈپٹی سپرنٹینڈنٹ اور 899 نگران کی ڈیوٹی سرانجام دے رہے ہیں، 50 ریذیڈنٹ انسپکٹر اور 45 موبائل انسپکٹرکے طور پر فرائض سرانجام دے رہے ہیں۔