الیکشن کمیشن نے ہمارا کھل کر دفاع کیوں نہیں کیا ؟الیکشن کمیشن کے تین ارکان کا مستعفی ہونے کا فیصلہ
الیکشن کمیشن کا ایک اہم اجلاس پیر کو طلب کرلیا گیا ٗمستقبل کا لائحہ عمل طے کئے جانے کا امکان
ہفتہ 29 اگست 2015 21:04
اسلام آباد (اُردو پوائنٹ اخبار تازہ ترین۔ 29 اگست۔2015ء) پاکستان تحریک انصاف کے چیئر مین عمران خان کی طرف سے استعفے نہ دینے کی صورت میں اسلام آباد میں احتجاج کر نے کے اعلان اور الیکشن کمیشن کی طرف سے کھل کر دفاع نہ کر نے پر الیکشن کمیشن آف پاکستان کے تین ارکان مستعفی ہونے پر تیار ہوگئے ہیں جبکہ الیکشن کمیشن کا ایک اہم اجلاس پیر کو طلب کرلیا گیاہے جس میں مستقبل کا لائحہ عمل طے کئے جانے کا امکان ہے ۔
میڈیا رپورٹس کے مطابق پنجاب سے الیکشن کمیشن کے رکن جسٹس ریٹائرڈ ریاض کیانی ٗ سندھ سے جسٹس ریٹائرڈ محمد روشن عیسانی اور خیبر پختون خوا سے جسٹس ریٹائرڈ شہزاد اکبر خان نے الیکشن کمیشن کی طرف سے اپنا دفاع نہ کئے جانے پر مستعفی ہونے کا فیصلہ کرلیا ہے رپورٹ کے مطابق ان میں سے ایک رکن نے باقاعدہ اپنا استعفیٰ تیار بھی کرلیا ہے اور توقع ہے کہ تینوں ارکان پیر کو چیف الیکشن کمشنر جسٹس ریٹائرڈ رضا محمد خان سے ملاقات کر کے اپنے استعفے پیش کرینگے اطلاعات کے مطابق ان ارکان نے الیکشن کمیشن کی طرف سے کھل کر اپنا دفاع نہ کر نے پر استعفے دینے کا فیصلہ کیا ہے ان کا موقف ہے کہ الیکشن کمیشن کو عمران خان کی طرف سے ان پر لگائے گئے الزامات پر کھل کر ان کادفاع کر نا چاہیے تھا اس ضمن میں جب ذرائع سے پوچھا گیا کہ بلوچستان سے الیکشن کمیشن کے رکن جسٹس ریٹائرڈ فضل الرحمن نے ایسا فیصلہ کیوں نہیں کیا تو ذرائع نے بتایا کہ ان سے رابطہ نہیں کیا جاسکا کیونکہ ان کا بیٹا انتقال کر گیا ہے اور وہ اس سلسلے میں مصروف ہیں دریں اثناء الیکشن کمیشن کا اہم اجلاس پیر کو اسلام آباد میں طلب کرلیا ہے جس کی صدارت چیف الیکشن کمشنر جسٹس ریٹائرڈ سردار محمد رضاکرینگے اس اجلاس میں عمران خان کی طرف سے اسلام آباد میں احتجاج کے پروگرام ٗالیکشن کمیشن کے ارکان کے استعفوں اور دیگر اہم امورپر غور کیا جائیگا ۔(جاری ہے)
متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.