راجہ ظفر الحق سے پاکستان ہندو کونسل کے وفد کی ملاقات

بین المذاہب ہم آہنگی کانفرنس سے انسانی سالمیت، امن، بہتری کی طرف ایکرخ میں کام کرنے میں مدد ملے گی، قائد ایوان سینیٹ

بدھ 25 نومبر 2015 20:11

اسلام آباد(اُردو پوائنٹ اخبارتازہ ترین - این این آئی۔25 نومبر۔2015ء ) پاکستان ہندو کونسل کے آٹھ رکنی وفد نے ڈاکٹر اشوک کمار کی قیادت میں سینیٹ میں قائد ایوان راجہ ظفر الحق سے ملاقات کی اور کہا کہ کونسل ایک غیر سیاسی ادارہ ہے اور تمام سیاسی جماعتوں کی طرف یکساں رویہ رکھتی ہے۔راجہ ظفر الحق کو فروری میں منعقد کی جانے والی بین المذاہب ہم آہنگی کانفرنس سے متعلق آگاہ کیا گیا اور بتایا گیا کہ اس کانفرنس میں تمام مذاہب کے تمام فرقے اور مختلف سیاسی جماعتیں ڈائیلاگ میں حصہ لیں گی۔

(جاری ہے)

راجہ ظفر الحق نے کہا کہ ایسے ڈائیلاگ سے انسانی سا لمیت ، امن اور بہتری کی طرف ایک رخ میں کام کرنے میں مد د ملے گی۔راجہ ظفر الحق کو جنوری میں ہونے والی 100ہندو جوڑوں کو اجتماعی شادی کی تقریب اور فروری میں کانفرنس میں شرکت کرنیکی دعوت بھی دی گئی ہے۔وفد کے ممبران نے بتایا کہ ہندو میرج لاء پر اتفاق رائے حاصل کر لیا گیا ہے۔ راجہ ظفرالحق نے پارلیمنٹ میں اس قانون پر حکومت کی مکمل حمایت کا یقین دلایا ۔وفد نے ہولی اور دیوالی کے مواقع پر چھٹی دینے کے حوالے سے درخواست بھی کی۔