بلدیہ عظمیٰ کراچی کے محکمہ انسداد تجاوزات نے ماری پور آئل ٹینکرز ٹرمینل میں قائم مختلف تجاوزات کا خاتمہ کردیا
منگل 15 دسمبر 2015 18:53
کراچی (اُردو پوائنٹ اخبارتازہ ترین - این این آئی۔15 دسمبر۔2015ء) بلدیہ عظمیٰ کراچی کے محکمہ انسداد تجاوزات کے عملے نے ماری پور آئل ٹینکرز ٹرمینل میں قائم مختلف تجاوزات کے خلاف ڈائریکٹرکے پی ٹی کے ہمراہ مشترکہ اور بھرپور کارروائی کرتے ہوئے تمام تجاوزات کو ہٹادیا جبکہ اس کارروائی کے دوران مزاحمت کے نتیجے میں کے ایم سی کے تین ملازم زخمی ہوگئے اور سرکاری گاڑی کے شیشے توڑ دیئے گئے تاہم انسداد تجاوزات کے عملے نے مزاحمت کو ناکام بناتے ہوئے اپنی کارروائی مکمل کرلی اور آئل ٹینکرز ٹرمینل میں قائم کی گئیں تمام غیرقانونی دکانوں اور دیگر تعمیرات کو مسمار کردیا، بلدیہ عظمیٰ کراچی کے محکمہ انسداد تجاوزات نے کے پی ٹی کے ہمراہ مشترکہ آپریشن کرتے ہوئے ماری پور آئل ٹینکرز ٹرمینل کو تجاوزات سے پاک کردیا جس سے ٹرمینل میں آئل ٹینکرز کو آنے جانے میں سہولت ہوگئی اور تجاوزات کی وجہ سے تنگ ہوجانے والے راستے کھل گئے جس پر آئل ٹینکرز ٹرمینل پر موجود متعلقہ افراد نے مسرت کا اظہار کیا، اس موقع پر ڈائریکٹر انسداد تجاوزات کے ایم سی مظہر خان نے کہا کہ تجاوزات کے خلاف شہر بھر میں کارروائی جاری ہے اور ماری پور آئل ٹینکرز ٹرمینل پر بھی یہ شکایات ملنے کے بعد کارروائی کی گئی کہ یہاں تجاوزات مافیا سرگرم ہوگئی ہے اور بڑی تعداد میں تجاوزات قائم کرلی گئی ہیں جن کی وجہ سے ٹرمینل پر روزمرہ امور کی انجام دہی میں مشکلات کاسامنا کرنا پڑرہا ہے انہوں نے کہا کہ تجاوزات کے خلاف کارروائی جاری رہے گی خاص طور پر ان مقامات پر توجہ دی جارہی ہے جہاں عوامی ٹرانسپورٹ اور ٹرک و ٹینکرز کی آمدورفت رہتی ہے تاکہ ان جگہوں کو تجاوزات سے پاک کیا جائے اور شہریوں کو سہولت مہیا ہوسکے۔
متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.