مزدوروں کے 9 بچے بچیوں کو ادارہ سوشل سیکورٹی سے منسلک میڈیکل کالجز میں مفت تعلیم دلوائی جائے گی ‘‘راجہ اشفاق سرور
حکومت پنجاب مزدوروں او ران کے اہل خانہ کی فلاح و بہبود اور تعلیم و ترقی کے لئے کوشاں ہے ‘صوبائی وزیر محنت وانسانی وسائل
منگل 5 جنوری 2016 19:40
لاہو(اُردو پوائنٹ اخبارتازہ ترین - این این آئی۔05 جنوری۔2016ء ) صوبائی وزیر محنت و انسانی وسائل راجہ اشفاق سرور نے کہا ہے کہ حکومت پنجاب مزدور طبقہ کی فلاح و بہبود اور خوشحالی کے لئے تمام وسائل بروئے کا ر لا رہی ہے ، مزدوروں کے میرٹ پر آنے والے بچوں کو میڈیکل کالجز اور دیگر معروف تعلیمی اداروں میں اعلی تعلیم بالکل مفت فراہم کی جا رہی ہے - انہوں نے یہ بات ادارہ سوشل سیکورٹی پنجاب کے زیر اہتمام تحفظ یافتہ کارکنوں اور مزدوروں کے میرٹ پر آنے والے 9 بچوں کو ادارے سے منسلک مختلف میڈیکل کالجز میں ایم بی بی ایس کی مفت تعلیم کی فراہمی کے لئے داخلہ لیٹرز دینے کی تقریب میں مہمان خصوصی کی حیثیت سے خطاب کرتے ہوئے کہی - کمشنر سوشل سیکورٹی منصور قادر ، وائس کمشنر خالد سلیم ، ڈائریکٹر میڈیکل ڈاکٹر ناصر جمال پاشا کے علاوہ دیگر متعلقہ افسران اور داخلہ حاصل کرنے والے بچوں اور ان کے والدین نے تقریب میں شرکت کی - ایم بی بی ایس 2015-16 سیشن میں داخلہ کے لئے عزیر ارشد ، ملجہ بٹ اور نورالعین کو یونیورسٹی کالج آف میڈیسن اینڈ ڈینٹسری لاہور ، محمد حارث ، اشعر اقبال اور محمد اویس نواز کو اسلام میڈیکل اینڈ ڈینٹل کالج جبکہ حبیبہ افتخار ، ہارون رضا اور شاہانہ کوثر کو بی ڈی ایس اسلام میڈیکل اینڈ ڈینٹل کالج سیالکوٹ میں داخلہ کے لئے کامیاب قرار دیا گیا تھا جنہیں آج وزیر محنت راجہ اشفاق سرور، کمشنر اور وائس کمشنر سوسل سیکورٹی نے میڈیکل کالجز میں داخلے کے لیٹرز دئیے - وزیر محنت راجہ اشفاق سرور نے داخلہ حاصل کرنے والے طلبا و طالبات اور ان کے والدین کو مبارکباد پیش کرتے ہوئے کہا کہ مزدوروں اور محنت کشوں کے ہونہار بچوں کا میڈیکل کی اعلی تعلیم کے حصول کے لئے منتخب ہونا بہت خوشی اور فخر کی بات ہے - انہوں نے امید ظاہر کی کہ منتخب طلبا و طالبات ڈاکٹر بن کر دکھی انسانیت کی خدمت اور ملکی ترقی میں اہم کردار ادا کریں گے -
مزید اہم خبریں
-
2 آٹو کمپنیوں نے گاڑیوں کی قیمتوں میں 15 لاکھ روپے تک کمی کر دی
-
یورپ سے پناہ کے متلاشی بچوں کو قید نہ کرنے کا مطالبہ
-
گندم یا چینی اسکینڈلز کی انکوائری کمیٹیوں میں ویسٹرن انٹرسٹ بیٹھا ہوا ہے
-
جنگ نے غزہ کی معیشت کو دو دہائیاں پیچھے دھکیل دیا، یو این ادارے
-
فیصل آباد میں کاوباری حالات سے تنگ شخص نے بیوی بچوں کو قتل کر ڈالا
-
پرویز الٰہی کی درخواست ضمانت منتقلی کیلئے فائل چیف جسٹس کو ارسال
-
چیف منسٹر پنک گیمز2024 کے انعامات ڈبل، انعام 50لاکھ سے بڑھا کرایک کروڑ روپے کرنے کا اعلان
-
حکومت کا ملک کو برآمدی مرکز میں تبدیل کرنے کا وسیع تر وژن ہے، وزیر مملکت برائے آئی ٹی شزہ فاطمہ سے گوگل فار ایجوکیشن ٹیم کی مقامی پارٹنر ٹیک ویلی پاکستان کے ہمراہ ملاقات
-
نیلم جہلم ہائیڈرو پاور پلانٹ سے بجلی کی پیداوار مکمل طور پر بند کر دی گئی
-
سپیکر قومی اسمبلی سردار ایاز صادق کا شیخ طہنون محمد بن النہیان کے انتقال پر اظہار تعزیت
-
صوبائی حکومتیں پٹرولیم مصنوعات کی قیمتوں میں کمی اور اشیائے خورد و نوش کے سرکاری نرخوں پر عملدرآمد یقینی بنانے کے لئے اقدامات کریں، وزیراعظم شہبازشریف
-
ملک کے سرکاری زرمبادلہ ذخائر 8 ارب ڈالرز ہو گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.