اورنج لائن میٹرین منصوبے کے متاثرین کا سمن آباد کے علاقے میں دھرنا دیکر شدید احتجاج ،علامتی جنازہ بھی نکالا
بدھ 27 جنوری 2016 13:42
لاہور( اُردو پوائنٹ اخبارتازہ ترین - این این آئی۔27 جنوری۔2016ء) اورنج لائن میٹرین منصوبے کے متاثرین نے سمن آباد کے علاقے میں دھرنا دے کر شدید احتجاج کیا اور منصوبے کا علامتی جنازہ نکالا ، مشتعل مظاہرین نے منصوبے کے لئے نشان زدہ مقامات پر لگائی گئی لوہے کی شیٹس اکھاڑ دیں اور ٹائروں کو آگ جلا کر ٹریفک کا نظام بھی معطل کر دیا ۔ تفصیلات کے مطابق سمن آباد کے مکینوں اور تاجروں نے منصوبے کیوجہ سے گھر او ر دکانیں خالی کرانے کے خلاف سمن آبادچوک میں دھرنا دے کر شدید احتجاج کیا۔
دھرنے میں شریک خواتین کا روتے ہوئے کہنا تھاکہ حکومت صرف اپنی مشہوری کے لئے غریبوں کو چھت اور کاروبار سے محروم کر رہی ہے ۔ حکومت کی طرف سے جتنا معاوضہ دیا جارہا ہے اس سے کسی دوسری جگہ جا کر ایک کمرے کی چھت بھی نہیں بن سکتی ۔(جاری ہے)
حکومت اپنی خواہشات کو پورا کرنے کے لئے غریبوں کو چھت اور کاروبار سے محروم نہ کرے ۔ اس موقع پر مشتعل مظاہرین نے ٹائرو ں کو آگ لگا کر حکومت اور انتظامیہ کے خلاف نعرے بازی کرتے ہوئے منصوبے کا علامتی جنازہ بھی نکالا ۔
مشتعل مظاہرین نے منصوبے کے لئے نشان زدہ مقامات پر لگائی گئی لوہے کی شیٹس اکھاڑ دیں اور پتھراؤ بھی کیا ۔اطلاع ملنے پر ڈائریکٹر ایل ڈی اور پولیس کی بھاری نفری موقع پر پہنچی جنہوں نے مظاہرین کے چھ رکنی وفد کو مذاکرات کے لئے آمادہ کر لیا ۔ وفد کا کہنا تھاکہ اگر ہمارے مطالبات تسلیم نہ کئے گئے تو دوبارہ دھرنا دیا جائے گا اور یہ اس وقت تک جاری رہے گا جب تک ہمارے مطالبا ت تسلیم نہیں کر لئے جاتے۔مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.