سینٹ کمیٹی کی دفتر خارجہ کو ہر 6ماہ بعد مسئلہ کشمیر پر بریفنگ کی ہدایت
چاروں صوبوں کے تعلیمی اداروں میں یوم یکجہتی کشمیر منا کر مسئلہ کشمیر کو اجاگر کیا جائے، سینٹ قائمہ کمیٹی امور کشمیر کی ہدایت
بدھ 27 جنوری 2016 19:00
اسلام آباد(اُردو پوائنٹ اخبارتازہ ترین - آن لائن۔27 جنوری۔2016ء) سینٹ قائمہ کمیٹی برائے امور کشمیر نے دفتر خارجہ کو ہر چھ ماہ میں مسئلہ کشمیر پربریفنگ کی ہدایت کردی اور مسئلہ کشمیر کے حوالے سے پارلیمانی کمیٹی میں سینٹ کو بھی نمائندگی کی سفارشات پیش کی گئی جبکہ کشمیر کی ریاستی دنوں کی تقریبات منعقد نہ کروانے پر وزیر امور کشمیر کی سرزنش کی گئی اور ہدایت کی گئی کہ چاروں صوبوں کے تعلیمی اداروں میں یوم یکجہتی کشمیر منا کر مسئلہ کشمیر کو اجاگر کیا جائے ۔
کمیٹی نے متفقہ طور پر کشمیر سے متعلق 23 قراردادوں پر بحث کرنے کے لئے فارن آفس کو ہدایات بھی جاری کردی ہیں ۔(جاری ہے)
کمیٹی کااجلاس سینیٹر پروفیسر ساجد میر کی سربراہی میں ہوا جس میں وزیر امور کشمیر نے بریفنگ دی کہ انہوں نے کشمیر سے متعلق کئی دنوں کی تقریبات کی قومی سطح پر منایا جس پر راجہ ظفر الحق نے کہا کہ ابھی کشمیر سے متعلق کئی دن ہیں جن کو نہیں منایا جاتا پانچ فروری کو پاکستان کی سطح پر منایا جائے تاکہ پاکستان کے عوام کو مسئلہ سے آگاہی حاصل ہو راجہ ظفر الحق نے کمیٹی اجلاس میں گفتگو کرتے ہوئے کہا کہ وزیراعظم پاکستان نے کئی اجلاس میں مسئلہ کشمیر کو اٹھایا لیکن فارن آفس نے اس پر کوئی فالو اپ نہیں دیا فارن آفس کو ہدایت جاری کی جائے کہ وہ ہر چھ ماہ بعد مسئلہ کشمیر کے حوالے سے ہونیوالی پیش رفت پر بریفنگ دی جائے اور کہا کہ مسئلہ کشمیر کے حوالے سے بنائی گئی کمیٹی جس کے چیئرمین مولانا فضل الرحمن ہیں اس میں سینٹ کو بھی نمائندگی دی جائے اس سے کمیٹی کے وقار میں اضافہ ہوگا اور مسئلہ کشمیر پر اچھی طرح بحث ہوسکے گی آج تک ہم ایک ہی قرارداد پر بات کررہے ہیں مسئلہ کشمیر پر ابھی تک 23قراردادیں پیش ہوئی ہیں ان تمام قراردادوں کو زیر بحث لانے کی ضرورت ہے جبکہ سینیٹر غفور حیدری نے کہا کہ جب تک کشمیر کامسئلہ حل نہیں ہوتا امن قائم نہیں ہوسکتا آج ہمیں ہر چیز کا جائزہ لینے کی ضرورت ہے آج کشمیر میں انسانی حقوق کی خلاف ورزی ہورہی ہے لیکن پاکستان حکومت کوئی آواز نہیں اٹھا رہی مسئلہ کشمیر پر اقوام متحدہ کی قراردایں ہیں لیکن پاکستان کا کوئی بھی سفارتخانہ اس حوالے سے فعال کردار ادا نہیں کررہا ہے سینیٹر نجمہ حمید نے کہا کہ کشمیر پرقراردادوں کی کاپیاں کمیٹی ارکان کو دی جائیں تاکہ لوگوں کو مسئلہ کشمیر سمجھ سکیں اگرپاکستان کے سفارتکا فعال کردار ادا کریں تو مسئلہ کشمیر پر پیش رفت ممکن ہوسکتی ہے کمیٹی نے متفقہ طور پر فارن آفس اور وزارت امور کشمیر سے اگلے اجلاس میں رپورٹ پیش کرنے کاحکم دیا ہے
متعلقہ عنوان :
مزید اہم خبریں
-
ہم سسٹم کے تابع ہوئے بغیر آگے نہیں بڑھ سکتے‘ جسٹس منصور علی شاہ
-
وزیراعظم شہباز شریف عالمی اقتصادی فورم کے خصوصی اجلاس میں شرکت کے لیے سعودی عرب روانہ
-
پاکستان میں موجود چینی شہریوں کی حفاظت ہماری قومی ذمہ داری ہے،پاک چین دوستی کو نقصان پہنچانے کی کوئی سازش کامیاب نہیں ہونے دیں گے، وفاقی وزیر
-
26 سال سے قتل کے مقدمے میں مطلوب اشتہاری ملزم ایئرپورٹ سے گرفتار
-
نرسنگ شعبہ کی بہتری کیلئے اصلاحات لانی ہوں گی،خواجہ سلمان رفیق
-
حکومت کسی صوبے میں گورنر راج نہیں لگانا چاہتی ،اگر علی گنڈا پور چڑھائی کی باتیں کریں گے تو مسائل ہوں گے،خواجہ سعد رفیق
-
وفاقی وزیرداخلہ نے اسلام آباد میں امن عامہ کو بہتر بنانے ، جرائم پیشہ گینگز کی سرکوبی کا محاذ سنبھال لیا
-
چیف جسٹس قاضی فائزعیسیٰ کی مزار قائد پر حاضری،فاتحہ خوانی کی اور قبر پر پھولوں کی چادر چڑھائی
-
یوکرین اور روس کے ایک دوسرے کے انرجی انفراسٹرکچرز پر حملے
-
خیبرپختونخوا: زیادہ تر خواتین امراض نسواں کے مسائل سے لاعلم
-
وزیر اعظم شہباز شریف عالمی اقتصاری فورم کے خصوصی اجلاس میں شرکت کے لیے سعودی عرب روانہ ہو گئے
-
چیف جسٹس قاضی فائز عیسیٰ کی مزار قائد پر حاضری ،اہلیہ بھی ہمراہ تھیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.