جمعیت علماء اسلام ملک میں قرآن و سنت کی حکمرانی چاہتی ہے،مقررین
حکمران یورپ کے ایجنڈا پر عمل پیرا ہوکر معاشرتی بے راہ روی کی پذیرائی کرنے میں مصروف ہیں،جمعیت کے کارکن اسلامی نظام کے نفاذ کے لیے اپنی جدوجہد کو تسلسل کے ساتھ جاری رکھیں،مولانا عبداللہ جتک و دیگر کا خطاب
جمعہ 29 جنوری 2016 17:58
سبی(اُردو پوائنٹ اخبارتازہ ترین - آن لائن۔29 جنوری۔2016ء) جمعیت علماء اسلام کے صوبائی نائب امیر مولانا عبداللہ جتک،سابق صوبائی وزیر مولانا عبدالواحد صدیقی نے کہا ہے کہ جمعیت علماء اسلام ملک میں قرآن و سنت کی حکمرانی چاہتی ہے،اسلام وجمہوریت کے نام پر بننے والی ریاست میں نہ ہی اسلامی نظام اور نہ حقیقی جمہوریت نظر آتی ہے،حکمران یورپ کے ایجنڈا پر عمل پیرا ہوکر معاشرتی بے راہ روی کی پذیرائی کرنے میں مصروف ہیں،جمعیت کے کارکن اسلامی نظام کے نفاذ کے لیے اپنی جدوجہد کو تسلسل کے ساتھ جاری رکھیں،ان خیالات کا اظہار انہوں نے جمعیت علماء اسلام سبی کے مجلس عاملہ کے انتخابی اجلاس کے موقع پر کارکنوں سے خطاب میں کیا،مجلس عاملہ کے انتخابی اجلاس میں جمعیت علماء اسلام ضلع سبی کے جنرل سیکرٹری کے عہدہ کے انتخاب میں مولانا عبدالطیف بلامقابلہ منتخب ہوگئے،اس موقع پر مقررین نے کہا کہ کارکن اسلامی نظام کے نفاذ کے لیے اپنی جدوجہد کو تسلسل کے ساتھ جاری رکھیں اور غیر شرعی نظام کے خلاف اٹھ کھڑئے ہوں انہوں نے کہا کہ جمعیت ملک میں قرآن و سنت کی حکمرانی چاہتی ہے اور ہمارئے تمام مسائل کا بہتر حل بھی قرآن و سنت کی روشنی میں مضمر ہے انہوں نے کہا کہ جمعیت کے مجلس عاملہ کے نو منتخب صدر اور اس کی کابینہ کو چاہیے کہ وہ اسلام کی پرچار کو گھر گھر پہنچائیں تاکہ بگڑتے ہوئے معاشرتی رویوں میں سدھار لایا جاسکے انہوں نے کہا کہ ملک میں شرعی نظام کے نفاذ کو یقینی بنانے کے لیے جمعیت روزاول سے کوشاں ہے اوراسلامی نظام کے نفاذ کے موقف سے کسی صورت دستبردار نہیں ہوں گے انہوں نے کہا کہ حکمران یورپی ایجنڈے پر عمل پیرا ہیں جس کی وجہ سے معاشرتی بگاڑ میں اضافہ ہوتا جارہا ہے جو کہ پاکستان میں رہنے والے مسلمانوں کے لیے کسی لمحہ فکریہ سے کم نہیں ہے انہوں نے کہا کہ جمعیت کا کسی مذہب سے کسی قسم کا کوئی اختلاف نہیں ہے بلکہ ہمارا اسلام تو غیر مذہب اقلیتوں کو تحفظ فراہم کرنے کا درس دیتا ہے اور ملک میں رہنے والے اقلیتوں کو ان کے حقوق دلانے کے لیے جمعیت کی کاوشیں کسی سے دھکی چھپی نہیں ہیں ۔
مزید اہم خبریں
-
امریکی یونیورسٹیوں میں فلسطینیوں کے حق میں مظاہرے جاری‘احتجاج کرنے والے طلبہ کے ساتھ مذکرات ناکام
-
اسرائیل اور حماس کے درمیان ثالثی کے لیے قطر پر دباﺅ‘تنقید پر دوحہ کا اظہار ناراضگی
-
سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم جاری کردیا
-
سولر سسٹم لگانے کو بڑا جھٹکا‘فی یونٹ 22روپے کی بجائے10روپے یونٹ خریدنے کی تجویزمنظوری کے لیے بجھوادی گئی
-
پی ٹی آئی ایک اور 9 مئی کا منصوبہ بنا رہی ہے، فیصل کریم کنڈی کا الزام
-
وزیراعظم محمد شہبازشریف عالمی اقتصادی فورم میں شرکت کے لئے کل سعودی عرب روانہ ہوں گے
-
پاکستان: بلوچستان میں مفاہمت کی پالیسی اورعدم تحفظ کے بڑھتے خدشات
-
وزیراعظم کا کسانوں سے گندم کی فوری خریداری کا حکم
-
وزیر اعظم شہبازعالمی اقتصادی فورم کے خصوصی اجلاس میں شرکت کے لیے کل (ہفتہ) کو سعودی عرب روانہ ہو رہے ہیں، دفترخارجہ
-
چیچہ وطنی،نیا بازار میں واقع گارمنٹس شاپ میں آتشزدگی سے ایک کروڑ سے زائد مالیت کا سامان جل گیا
-
پاکستان، کینیڈا دوطرفہ سیاسی مشاورت کا پانچواں اجلاس ، کینیڈین کمپنیوں کو پاکستان میں توانائی، کان کنی اور آئی ٹی کے شعبوں میں سرمایہ کاری کرنے کی دعوت ، ترجمان دفترخراجہ
-
گندم خریداری میں تاخیر ،کسان تنظیموں نے 29 اپریل کو پنجاب اسمبلی کے باہر احتجاج کی کال دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.