سیف گیمز میں پاکستان نے بھارت کو ہاکی میں 1-0 سے ہرا کر طلائی تمغہ جیت لیا
پاکستان کی جانب سے واحد اور فیصلہ کن گول اویس الرحمان نے کیا صدر ، وزیراعظم ، وفاقی وزیر اطلاعات ونشریات ،وزیراعلیٰ پنجاب نے گولڈ میڈل جیتنے پاکستان کی ہاکی ٹیم کو مبارکباد
جمعہ 12 فروری 2016 22:28
گوہاٹی/اسلام آباد (اُردو پوائنٹ اخبارتازہ ترین - آئی این پی۔12 فروری۔2016ء) پاکستان نے 12ویں جنوبی ایشیائی کھیلوں (سیف گیمز)میں ہاکی کے مقابلوں کے فائنل میں بھارت کو صفر کے مقابلے میں ایک گول سے شکست دے دی ۔یہ جنوبی ایشیائی کھیلوں میں ہاکی کے مردوں کے مقابلوں میں پاکستان کا مسلسل تیسرا طلائی تمغہ ہے۔گوہاٹی میں جمعے کی شب کھیلے جانے والے میچ میں پاکستان کی جانب سے واحد گول پہلے ہاف کے اختتامی لمحات میں اویس الرحمان نے کیا۔
دوسرے ہاف میں بھارت کی جانب سے میچ برابر کرنے کی کئی کوششیں کی گئیں لیکن پاکستان کے دفاعی کھلاڑیوں اور گول کیپر کے عمدہ کھیل کی وجہ سے انھیں کامیابی نہ مل سکی۔ اس فتح کے نتیجے میں ان کھیلوں میں پاکستان کے طلائی تمغوں کی تعداد آٹھ ہوگئی ہے۔(جاری ہے)
پاکستان کی ٹیم اس ٹورنامنٹ میں ناقابلِ شکست رہی اور فائنل سے قبل ابتدائی مرحلے میں بھی اس نے بھارت کو شکست دی تھی۔
اس فتح کے نتیجے میں ان کھیلوں میں پاکستان کے طلائی تمغوں کی تعداد آٹھ ہوگئی ہے جبکہ اس کے علاوہ اس نے چاندی کے 23 اور کانسی کے 43 تمغے جیتے ہیں۔ بھارت مجموعی طور پر49 تمغوں کے ساتھ ان کھیلوں میں پہلے نمبر پر ہیں جن میں سونے کے 146، چاندی کے 80 اور کانسی کے 23 تمغے شامل ہیں۔صدرمملکت ممنون حسین ، وزیراعظم محمد نواز شریف، وفاقی وزیر اطلاعات ونشریات پرویز رشید ،وزیراعلیٰ پنجاب محمد شہباز شریف نے گولڈ میڈل جیتنے پاکستان کی ہاکی ٹیم کو مبارکباد دی۔ صدر مملکت ممنون حسین نے سیف گیمز میں طلائی تمغہ حاصل کرنے پر قومی ہاکی ٹیم کو مبارک باد دیتے ہوئے اپنے پیغام میں کہا کہ قومی ہاکی ٹیم کے کھلاڑیوں نے سیف گیمز میں اعلیٰ کارکردگی کا مظاہرہ کرکے قوم کا سر فخر سے بلند کردیا ہے۔ انھوں نے سیف گیمز میں مختلف کھیلوں میں اعلیٰ کارکردگی کا مظاہرہ کرنے والے دیگر کھلاڑیوں کو بھی مبارک باد دی ہے اور توقع ظاہر کی ہے کہ ان کی فتوحات کا سلسلہ جاری رہے گا۔وزیراعظم نے اپنے بیان میں کہا کہ قومی ٹیم کی شاندار فتح پر پوری قوم مبارکباد کی مستحق ہے ۔متعلقہ عنوان :
مزید کھیلوں کی خبریں
-
انٹرنیشنل کرکٹ کونسل نے ٹی ٹوئنٹی ورلڈ کپ کے آفیشلز کا اعلان کر دی
-
پاکستان تمام فارمیٹس میں ٹاپ پوزیشنز لینے میں ناکام
-
آئیگا سویٹیک اورآرینا سبالینکا میڈرڈاوپن ٹینس ویمنزسنگلزفائنل میں پہنچ گئیں
-
ویراٹ کوہلی کو رنز کی دوڑ میں پیچھے کیوں چھوڑا، بھارتی شائقین رتوراج گائیکواڈ کے دشمن بن گئے
-
میڈرڈ اوپن ٹینس مینزسنگلز مقابلوں کی سیمی فائنل لائن اپ مکمل ہوگئی
-
آئی سی سی رینکنگ: سالانہ اپ ڈیٹ کے بعد آسٹریلیا بھارت کو پیچھے چھوڑ کر نمبر ون ٹیسٹ ٹیم بن گئی
-
وزیراعظم یوتھ پروگرام نوجوانوں کی صلاحیتوں کو اجاگر کرنے کیلئے پرعزم ہے،رانا مشہود
-
پرائم ٹیبل ٹینس یوتھ سپورٹس لیگ میں پنجاب (ای) نے مینز اور پنجاب (بی) نے خواتین کا ٹائٹل جیت لیا
-
گیری کرسٹن کی بطور ہیڈ کوچ تعیناتی پاکستان کرکٹ کیلئے نئے دور کا آغاز ہوگا : اے بی ڈی ویلیئرز
-
آئرلینڈ ، انگلینڈ سیریز: شاہد آفریدی بھی حسن علی کی شمولیت پر حیران
-
قومی ٹیم کے دورہ جنوبی افریقہ کے شیڈول کا اعلان
-
محمد حارث خود سے سوال کریں انہوں نے اپنی صلاحیتوں کیساتھ انصاف کیا؟: سلمان بٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.