قومی اسمبلی کی استحقاق کمیٹی کی سفارشات کی روشنی میں نور الامین مینگل اور اسد رضا جعفری کیخلاف لگائے گئے الزامات کی تحقیقات شروع کر دی گئیں
ہفتہ 5 مارچ 2016 15:21
فیصل آباد(اُردو پوائنٹ اخبارتازہ ترین - آن لائن۔05 مارچ۔2016ء) وفاقی پارلیمانی سیکرٹری برائے خزانہ رانا محمد افضل خاں ایم این اے کی تحریک استحقاق پر قومی اسمبلی کی استحقاق کمیٹی کے چیئرمین چوہدری اسد الرحمن ایم این اے نے سابق ڈی سی او فیصل آباد نور الامین مینگل اور بورڈ آف ریونیو کے ممبر جوڈیشل اسد رضا جعفری کے خلاف لگائے گئے سنگین الزامات کی تحقیقات شروع کردی ہیں اس سلسلہ میں استحقاق کمیٹی کااجلاس گزشتہ روز چوہدری اسد الرحمن ایم این اے کی صدارت میں منعقد ہوا جس میں قومی اسمبلی کے14اراکین نے شرکت کی ان میں چوہدری خادم حسین ، محمود بشیر ورک ، نجف سیال، عبدالمجید خاں، شیخ محمد اکرم ، ممتاز تارڑ ، کرن حیدر ، مائزہ حمید ، شگفتہ جمانی، رائے حسن نواز ، ایس اے اقبال قادری اور نواب یوسف تالپور شامل ہیں کمیٹی کے اجلاس میں وفاقی سیکرٹری اسٹیبلشمنٹ ، سینئر ممبر بورڈ آف ریونیو، کیپٹن ر زاہد سعید، ایڈیشنل چیف سیکرٹری پنجاب کے علاوہ کمشنر فیصل آباد کیپٹن ر نسیم زاہدبھی کمیٹی کے طلب کرنے پر شریک ہوئے اس موقع پر سابق ڈی سی او فیصل آباد نور الامین مینگل اور بورڈ آف ریونیو کے ممبر حسن رضا جعفری بھی موجود تھے اجلاس میں وفاقی پارلیمانی سیکرٹری رانا محمد افضل خاں نے بتایا کہ ڈی سی او فیصل آباد کرپشن اختیارات کا ناجائز استعمال کرنے اور دیگر الزامات کے بارے میں انہوں نے وزیر اعلی پنجاب شہباز شریف کو تحریری طور پر آگاہ کیا تھا جس پر سابق ڈی سی او ان سے ناراض ہو گئے جس پر ڈی سی اونے انتقامی کاروائی کرتے ہوئے نہ صرف ان کے ساحل ہسپتال کی لیزکو منسوخ کرنے کے احکامات جاری کرتے ہوئے ان کی کردار کشی کی مہم چلائی جبکہ انہوں نے ساحل ہسپتال جو گذشتہ تیس سال سے عوام کی خدمت کر رہا ہے اس کی شہرت کوبھی نقصان پہنچایا اور بورڈ آف ریونیو کے جوڈیشل ممبر حسن رضا جعفری کی ملی بھگت سے ساحل ہسپتال کے ریکارڈ میں ردو بدل کیا چیئرمین کے استفسار پر کمشنر فیصل آباد اور سینئر ممبر بورڈ آف ریونیو پنجاب نے بتایا کہ سابق ڈی سی او فیصل آباد نور الامین مینگل نے رانا محمد افضل ایم این اے کے زیرسرپرستی ساحل ہسپتال کی اراضی کی منسوخی اور دیگر نوٹس جو ساحل ہسپتال کو جاری کیے گئے ہیں سابق ڈی سی او نے ان سے تحریری طور پر کوئی اجازت نہ دی ہے جبکہ سابق ڈی سی او اجازت کے بغیر کوئی اقدام نہیں اٹھا سکتے تھے کمشنر فیصل آباد نے اس موقع پر قائمہ کمیٹی کے چیئرمین اور اراکین کو بتایا کہ انہوں نے سابق ڈی سی او کی طرف سے ساحل ہسپتال کی اراضی کو قبضہ میں لے کر اسے نیلام کرنے کے احکامات معطل کر دئے ہیں اور مزید کاروائی ان کے پاس زیر سماعت ہے کمیٹی کے چئیرمیں اسد الرحمن ایم این اے اور کمیٹی میں شامل اراکین اسمبلی نے سابق ڈی سی او اور ممبر جوڈیشل بورڈ آف ریونیو حسن رضا جعفری کو مزید صفائی کا موقع دیتے ہوئے آئندہ کمیٹی کے اجلاس میں پیش ہونے کی ہدایت کی ہے قومی اسمبلی کی قائمہ کمیٹی کے چیئرمین نے آئندہ اجلاس میں اعلی افسران کو مکمل ریکارڈ بھی پیش کرنے کی ہدایت کرتے ہوئے کہا کہ وہ آئندہ اجلاس میں کمیٹی کے اراکین کے مشورہ کے بعد فیصلہ کیا جائے گا ۔
(جاری ہے)
متعلقہ عنوان :
مزید اہم خبریں
-
لاہور میں پولیس اہلکار نے گولی مارکرخودکشی کرلی
-
ملکی معیشت کو صحیح سمت پر لیجانے کیلئے کڑوی گولیاں نگلنی پڑیں گی‘ احسن اقبال
-
آئین کی بالادستی سے ہی ملک آگے بڑھے گا، عوام کو اپنے نمائندے منتخب کرنے کا اختیار ہونا چاہیے، چیئرمین سینیٹ
-
وزیراعظم اور امیر کویت کے درمیان ملاقات
-
پاکستان میں غیر معیاری ادویات کا مسئلہ
-
ہمارے مسالے مضر صحت نہیں، بھارتی کمپنی ایم ڈی ایچ
-
کیا انتظامی عہدے کیلئے حکمران خاندان سے ہونا ہی واحد شرط ہے؟
-
غزہ میں جنگ بندی کی کوششوں میں تیزی
-
مولانا فضل الرحمان نے آئندہ لائحہ عمل کے اعلان کی تاریخ دیدی
-
وزیراعظم محمد شہبازشریف سے آئی ایم ایف کی منیجنگ ڈائریکٹر کرسٹالینا جارجیوا کی ملاقات ، گزشتہ سال اسٹینڈ بائے ارینجمینٹ کے حوالے سے وزیراعظم کے قائدانہ کردار کی تعریف
-
وزیراعظم کی سعودی حکام سے ملاقاتوں میں پاکستان میں مزید سرمایہ کاری پر اتفاق
-
دبئی ایئر پورٹ کا اگلے دس سال میں المکتوم ایئرپورٹ منتقلی کا منصوبہ تیار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.