آف شور کمپنیز کا شور مچانے والے خود آف شور کمپنی کے مالک نکلے۔۔۔ خواجہ آصف

سیالکوٹ (اُردو پوائنٹ اخبارتازہ ترین - آئی این پی۔15 مئی۔2016ء) وفاقی وزیر دفاع خواجہ آصف نے کہا ہے کہ آف شور کمپنیز کا شور مچانے والے خود آف شور کمپنی کے مالک نکلے ، عمران خان نے 1983 میں ٹیکس بچانے کے لئے آف شور کمپنی بنائی ۔ وہ اتوار کو نجی ٹی وی سے گفتگو کر رہے تھے ۔ انہوں نے کہا کہ عمران خان نے 1983 میں ٹیکس بچانے کے لئے آف شورکمپنی بنائی تھی جس کا اعتراف انہوں نے خود کیا۔

(جاری ہے)

شوکت خانم اسپتال کا خیرات کا پیسہ بھی آف شور کمپنی میں لگایا گیا ۔ انہوں نے کہا کہ عمران خان نے میرے خلاف ہتک عزت کا 10 ارب کا دعویٰ کر رکھا ہے ۔ عمران خان کے میرے خلاف دعوے کے مطابق آف شور کمپنیز غیر قانونی نہیں ۔ خواجہ آصف نے کہ اکہ عمران خان کے بیانات میں جھوٹ اور تضاد ہے ۔ ان کا کوئی ذریعہ معاش نہیں ہے ۔ انہوں نے کہا کہ عمران خان اپنے اخراجات کہاں سے چلاتے ہیں ۔ وزیر دفاع نے کہا کہ اب تیر اکیا ہو گا کالیا والا ٹویٹ خود کو پاک دامن تصور کرنے والوں کے لئے تھا ۔ انہوں نے کہا کہ سابق چیف جسٹس کو متنازعہ بیانات دینے سے گریز کرنا چاہیے ۔