صوبہ ہینان کے ساحلی علاقہ میں زبردست سمندری طوفان

25ہزار کشتیاں بندرگاہ میں واپس ،طوفان کی رفتار 100کلومیٹر فی گھنٹہ تھی

بدھ 27 جولائی 2016 14:26

ہیکو (اُردو پوائنٹ اخبارتازہ ترین - آئی این پی۔27 جولائی ۔2016ء) چین کے جنوبی صوبے ہینان کے ساحلی علاقوں میں گذشتہ رات زبردست طوفان کے باعث لینڈ سلائیڈنگ ہوئی ،یہ سمندری طوفان اس سال کا تیسرا طوفان تھا جو کہ ڈانگاؤ قصبے نے 100.8کلومیٹر فی گھنٹہ کی رفتار سے آیا ۔

(جاری ہے)

محکمہ موسمیات نے اس کیلئے بلیو الرٹ پہلے جار ی کردیاتھا چنانچہ 25ہزار سے زائد ماہی گیر کشتیاں ہینان کی بندرگاہ میں واپس آ گئیں جبکہ کیانگ ژو کی سمندری پٹی میں ہینان اور گوانگ ڈانگ کے درمیان چلنے والے مسافر بحری جہاز نے اپنی سروس معطل کر دی ،طوفان کے ساتھ ہی موسلا دھار بارش اور اولے پڑے ۔