سندھ حکومت ڈاکٹر خالد محمود سومرو شہید کے قاتلوں کی سرپرستی سے پیچھے ہٹنے کو تیار نہیں اور اب تک ہٹ دھرمی کا مظاہرہ کررہی ہے، قاری محمدعثمان
جمعیت علما اسلام کی صوبائی قیادت نے سندھ حکومت کیخلاف یکم ستمبر سے احتجاجی تحریک کو حتمی شکل دینے کے لیے اضلاع کے مشاورتی اجلاس طلب کرلئے
ہفتہ 27 اگست 2016 21:38
کراچی(اُردو پوائنٹ اخبارتازہ ترین - این این آئی۔27 اگست ۔2016ء) جمعیت علما اسلام کی صوبائی قیادت نے سندھ حکومت کے خلاف یکم ستمبر سے احتجاجی تحریک کو حتمی شکل دینے کے لیے اضلاع کے مشاورتی اجلاس طلب کرلیے آج ضلع غربی اور شرقی جب کہ پیر کو تمام اضلاع کے مجلس عمومی کا اجلاس ہوگا جس میں یکم ستمبر کو کفن پوش مارچ اور وزیر اعلی ہاؤس کے سامنے دھرنا دینے کے حوالے سے تیاریوں کا جائزہ لیا جائے گا، صوبائی نائب امیر قاری محمد عثمان کی زیر صدارت پیر کو ہونے والے اجلاس میں صوبائی سیکرٹری جنرل ڈاکٹر راشد خالد محمود سومرو بھی خصوصی شرکت کرینگیدریں اثنا جے یو آئی سندھ کے نائب امیر قاری محمد عثمان نے ہفتہ کو ضلع وسطی کا دورہ کیا اور ضلع وسطی کے امیر مولانا عبدالرشید نعمانی سمیت دیگر ضلعی عہدیداران سے ملاقات کی اس کے علاوہ انہوں نے جے ٹی آئی کے صوبائی جنرل سیکرٹری حماداﷲ انصاری صوبائی عاملہ کے ارکان حافظ محمد فاروق شیخ حافظ انعام اﷲ پنہور رشید احمد خاکسار سمیت دیگر زمہ داران سے بھی ملاقات کی اوریکم ستمبر کو کفن پوش مارچ کے حوالے سے تیاریوں کا جائزہ لیا اور دیگر متعلقہ امور پر مشاورت کی اس موقع پر اظہار خیال کرتے ہوئے قاری محمد عثمان کا کہنا تھا کہ سندھ حکومت ڈاکٹر خالد محمود سومرو شہید کے قاتلوں کی سرپرستی سے پیچھے ہٹنے کو تیار نہیں اور اب تک ہٹ دھرمی کا مظاہرہ کررہی ہے لیکن جے یو آئی بھی اپنے شہید رہنما کے قاتلوں کو کیفر کردار تک پہنچا کر دم لے گی، انہوں نے کہا کہ یکم ستمبر کو پر امن احتجاجی کفن پوش مارچ ہوگا جس میں سندھ بھر کے لاکھوں شہید اسلام سے محبت کرنے والے شریک ہوں گے نمائش میں جمع ہونے کر بعد نماز عصر وزیر اعلی ہاوس کی جانب مارچ کیاجایے گا اور مطالبات کی منظوری تک دھرنا دیا جائے گا انہوں نے کہا کہ دفعہ 144بھی انہیں قانونی اور جمہوری حق سے نہیں روک سکتا انہوں نے زمہ داران کو احتجاج کے لیے بھرپور تیاریوں کی ہدایت کی۔
مزید قومی خبریں
-
حکومت عوام کے مسائل کے حل کیلئے کوشاں ہے، جلد اچھے دن آئیں گے، چوہدری شافع حسین
-
حکومت زور بازو عوام کے شعور کے آگے بند نہیں باندھ سکتی ‘ مسرت جمشید چیمہ
-
پاکستان کی معیشت عالمی اتار چڑھا ؤ کے باوجود بحالی کے راستے پر ہے،گورنر اسٹیٹ بینک کا آئی سی ایم اے کانووکیشن سے خطاب،
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
-
الیکشن کمیشن نے پنجاب میں بلدیاتی انتخابات کے لئے کمر کس لی
-
کراچی سے چھینے جانے والا قیمتی فون افغانستان پہنچ گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.