پیپلز پارٹی نے پاناما پیپرزکی تحقیقات کا بل ایوان بالا میں جمع کرا دیا
پانامالیکس کی تحقیقات سپریم کورٹ ججز کی سربراہی میں کمیشن سے کرائی جائے ٗ بل میں مطالبہ جن630 افراد کے خلاف پاناما پیپرزمیں انکشاف ہوا ان کیخلاف تحقیقات ہونی چاہئیں ٗ متن بل کے ضابطہ کارکے تحت تمام شخصیات سے تحقیقات ہوں گی اورتحقیقاتی کمیشن مکمل با اختیار ہوگا، اعتزازاحسن میڈیا سے گفتگو
بدھ 31 اگست 2016 17:22
اسلام آباد(اُردو پوائنٹ اخبارتازہ ترین - این این آئی۔31 اگست ۔2016ء) پیپلز پارٹی نے پاناما پیپرزکی تحقیقات کا بل ایوان بالا میں جمع کرا دیا۔ بدھ کو پارلیمنٹ ہاؤس اسلام آباد کے باہرمیڈیا سے بات کرتے ہوئے اعتزازاحسن نے کہا کہ پاکستان کا سرمایہ خفیہ طورپر بیرون ملک منتقل کیا گیا، یہ انکشاف کسی سیاسی جماعت نے نہیں بلکہ بین الاقوامی معتبرادارے نے کیا ہے، جن 630 افراد کے خلاف پاناما پیپرزمیں انکشاف ہوا ان کیخلاف تحقیقات ہونی چاہئیں، پانامالیکس کی تحقیقات سپریم کورٹ ججز کی سربراہی میں کمیشن سے کرائی جائے۔
فورنزک آڈٹ کے بغیراملاک اوراثاثوں کی تحقیقات ممکن نہیں، بل میں ملک سے باہربھیجے گئے سرمائے کی کھوج کے لیے فرانزک آڈٹ تجویزکیا گیا ہے تاہم حکومت فورنزک آڈٹ کی طرف نہیں جا رہی۔(جاری ہے)
پیپلزپارٹی کے رہنما نے کہا کہ انہوں نے متحدہ اپوزیشن کی جانب سے پاناما لیکس کی تحقیقات کا بل جمع کرادیا ہے، اس بل میں کوئی امتیاز نہیں لیکن احتساب کا آغاز وزیراعظم سے ہونا چاہیے، بل کے ضابطہ کارکے تحت تمام شخصیات سے تحقیقات ہوں گی اورتحقیقاتی کمیشن مکمل با اختیار ہوگا، پاناما پیپرزمیں جن کا نام آیا ہے وہ نامزد ججز کواکاؤنٹس کی رسائی کا مختارنامہ دینے کے پابند ہوں گے، جہاں اکاؤنٹ کھولے گئے وہاں مختار نامہ رکھنے والے شخص کو بھیجا جا سکے گا۔
سینیٹ میں قائد حزب اختلاف نے کہا کہ پاکستان پیپلزپارٹی کا وزیراعظم ہوتا اوراس کا نام پانامہ پیپرز میں آیا ہوتا تو زمین ہل گئی ہوتی، یوسف رضا گیلانی پرالزام تھا کہ انہوں نے ریاست کے صدرکودوسرے ملک کی عدالت کے سامنے سرنگوں کیوں نہیں کیا۔ وزیراعظم کے بیٹے نے چھ ارب کی جائیداد کا سودا کیا، وہ اگرپیپلز پارٹی کے کسی رہنما کا بچہ ہوتا تونیب اورایف آئی اے اسے پکڑنے کے لئے لڑرہے ہوتے، سپریم کورٹ کے رجسٹرارکو کوئی پٹیشن مسترد کرنے کا اختیارنہیں، پاناما لیکس جیسے معاملے پرازخود نوٹس نہیں لیا گیا ورنہ ملک میں تو دو بوتل شراب رکھنے پر بھی ازخود نوٹس ہوئے ہیں۔متعلقہ عنوان :
مزید اہم خبریں
-
لاہور میں مسلح افراد نے فائرنگ کرکے پولیس سب انسپکٹر کو قتل کردیا
-
تحریک انصاف مذاکرات نہیں ڈیل کی درخواستیں دے رہی ہے، وزیراطلاعات سندھ
-
عوام کیلئے مہنگائی کا ایک اور "تحفہ"، بجلی مہنگی کر دی گئی
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے
-
وفاقی وزیرداخلہ کی چینی قونصل جنرل سے ملاقات، دوطرفہ تعاون وچینی شہریوں کی سکیورٹی پر تبادلہ خیال
-
وزیرخارجہ کا اقتصادی سفارت کاری اور بیرون ممالک کے ساتھ سرمایہ کاری کے تعلقات کو فروغ دینے کی کوششوں کی ضرورت پر زور
-
بانی چئیرمین نے اسٹیبلشمنٹ اور سیاسی جماعتوں سے مذاکرات کی اجازت دے دی
-
8 فروری کو پِک اینڈ چُوز ہوا لیکن اداروں کے سربراہان ملوث نہیں تھے
-
اگر 9 مئی والوں سے مذاکرات ہوئے تو پھر آئندبڑا سانحہ ہوسکتا ہے
-
چین میں پاکستان کیلئے تیار ہونے والی پہلی ہنگور کلاس آبدوز کا افتتاح
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.